Trondheim Frikyrkje
Trondheim Frikyrkje er lokalisert på Moholt i Trondheim, og høyrer inn under kyrkjesamfunnet Den Evanglisk Lutherske Frikyrkja. Kyrkjelyden vart konstituert 12. desember 1973, men har røter attende til Levanger og Ytterøy i 1960-åra.
Kort historikk
På 1960-talet hadde kyrkjelyden samlingar i Blåkorssalen i Kjøpmannsgt. 42. Innviingsfest vart halde 7. januar 1974, då var det 30 medlemmer i forsamlinga.
I 1975 vart Arnfinn Løyning første forstandar for kyrkjelyden, ei stilling han hadde fram til 1982. Då tok Thomas Bjerkholt over.
I 1988 vart gudstenestene i forsamlinga flytta til KVT på Tiller. Lokalet i Brøsetv. på Moholt vart tekne i bruk 2002.
Teologisk profil
Trondheim Frikyrkje vert rekna som ein av dei meir teologisk konservative kyrkjelydane innan Den Evanglisk Lutherske Frikyrkja. I 2006 karakteriserte Thomas Bjerkholt kyrkjelyden som "klassisk-ortodoks". Han framheva at det var plass til både karismatikk og liturgi i kyrkjelyden. Bjerkholt var ein av dei som var motstandar til at kvinner skulle ordinerast til pastorar og eldste i Den Evanglisk Lutherske Frikyrkja, dette vart det opna for ved Den Evanglisk Lutherske Frikyrkja sitt synodemøte i 2005.