Tysnes kommune: Forskjell mellom sideversjoner

<onlyinclude><includeonly>[[Fil:1223 Tysnes komm.png‎|thumb|80px]]</includeonly>'''[[Tysnes kommune]]''' er ein kommune og ei øygruppe i [[Hordaland fylke]], litt sør for [[Bergen]] med eit samla areal på 255 km². Kommunen er landfast over Lukksund bru. Det er gode kommunikasjonar. Reisetida til Bergen sentrum er om lag 1 time og 20 min., og til [[Stord]] om lag 35 min. Kommunen grensar i aust mot [[Kvinnherad kommune|Kvinnherad]] og [[Fusa kommune|Fusa]] kommunar, i nord mot [[Os kommune (Hordaland)|Os]] kommune, og i vest mot [[Austevoll kommune|Austevoll]], [[Fitjar kommune|Fitjar]] og [[Stord kommune|Stord]] kommunar. </onlyinclude> Kystkulturen står sterkt i Tysnes, og kommunen har eiget [[Tysnes kystlag|kystlag]].

Eit av dei mest særmerkte fornminna i Tysnes - [[Årbakkavollen]] på [[Onarheim]] - stammar frå jarnalderen. Her har vore meir enn 20 gravrøyser og minst 6 bautasteinar, sikkert fleire. Sjølv om delar av dette har vorte øydelagt, er det framleis råd å sjå at denne staden må ha vore noko særskilt. Og det verkar naturleg å knyta dette saman med harudane og deira Njord-dyrking. Utover [[vikingtida]] står Onarheim fram som eit senter, både for Tysnes og for store delar av Hordaland. Her var tingstad, og her vaks etter kvart [[Olavsgildet]] fram - truleg med røter i førkristen tid.  

Ein underleg og ikkje så reint lite mystisk stad er det såkalla [[horget]] på [[Todneset]] ved innseglinga til [[Våge]]. Her er det observert at sola skin direkte på staden  - og ingen andre stader i området -  22. desember, altså ved vintersolkverv. Det er eit fenomen ein kjenner frå fleire stader i Europa, men berre ein annan stad i Noreg. Her står også ein bautastein. Bautasteinar finst fleire stader kringom i Tysnes. Den største samlinga finn me som nemnd på Årbakka.

[[Tysnes kystlag]], stifta i 1992, held til i kommunen.