Aasmund Nordgaards veg

Aasmund Nordgaards veg på Dalen i Tokke kommune går nordover frå Hotellvegen til Storvegen og er 139 meter lang.

Aasmund Nordgaards veg sett frå Hotellvegen.

Foto: Roy Olsen (2020).

Vegen har namn etter bonde, byggmeister og stortingsmann Aasmund Nordgaard (1776–1864).

Aasmund Nordgaard vart fødd i 1776 på Gjersund i Morgedal og døydde på Dalen i 1864. Han hadde studert kanalbyggjing i Sverige og var den fyrste som lansera planar om kanalisering av vassdraget oppover i Telemark. Nordgaard var ei drivande kraft for byggjinga av Telemarkskanalen og var òg medlem i Vrangfoss-kommisjonen.

• Nr. 1: Trehus på to høgder, der forretningen Klesbua held til i fyrste.
• Nr. 6: «Austbø» med bustadhus der dei driv Dalen Bed & Breakfast.
• Nr. 12: Hus i Sveitserstil der Blomsterbua held til. Blomsterbua er ei privat familiebedrift som starta opp i 1981. Bygget fekk verneprisen i 1992 frå Tokke kommune.

Sjå også

• Vegar i Tokke kommune

Kjelder

• Kartverket, norgeskart.no
• Aasmund Nordgaards veg 12: Om Blomsterbua.