Dalstrøms pensjonat

Annonse for Dalstrøms pensjonat på 1950-talet.

Foto: O. Bangen, Vegviser for Lårdal og Mo herad, Skien, 195u.

Dalstrøms pensjonat låg i botn av Skafsåberget på Dalen i Tokke kommune i Telemark. Bygningen står der framleis og blir nytta som bustad.

Historikk

Ifylgje Steinar Marvik blei Dalstrøms pensjonat starta av Olav J. Dalstrøm (1850-1935) og kona Hanna Dalstrøm (1854-1925). Olav var skreddar og kom frå Göteborg, medan Hanna kom frå Tønsberg. Då dei flytta til "Jordet", eller "Dalstrøm" som plassen snart blei kalla, starta dei opp pensjonatet.

I "Telemark fylkes adressebok" står det at pensjonatet blei etablert i 1939, men dette må vere med den nye innehavaren, Gunhild Hus, i føringa.

Kjelder

• Marvik, Steinar, Mo bygdebok : gard og ætt. 1 : Mo sokn, Dalen, Tokke kommune, 1989.
• Telemark fylkes adressebok, Trondheim : Hans G. Moe's forlag, 1953/54. Lenke til digital utgåve hjå Nasjonalbiblioteket.