Eikefjord anno 1953
Eikefjord anno 1953
Eikefjord har vore eit eige herad sidan 1923 og ligg aust for Florø, omtrent 26 km unna. Heradet strekkjer seg langs Eikefjorden og fleire dalføre. Grannekommunane er Bru, Vevring, Naustdal og Gloppen. Eikefjord har eit areal på 168,2 km² og hadde 1015 innbyggjarar i 1946. Landbruket har lenge vore hovudnæringa, med mjølk- og kjøtproduksjon som dei viktigaste næringane. Potetdyrking er vanleg, og det vert også dyrka litt korn.
Skogbruket er viktig, og mykje av skogen blir nytta til ved og tønnestav. Dei fleste gardane har skog til eige bruk, og mange driv også noko fiske. I tillegg har Eikefjord fleire små industriverksemder som tønnefabrikkar og små sagbruk.
Eikefjord har sju skulekretser, samt ein framhaldsskule som har blitt drive i samarbeid med Bru kommune. Tidlegare var Eikefjord eit avstengd område, men med opninga av riksvegen Florø - Førde i 1845, fekk bygda betre tilknyting til omverda. I dag er det daglege bussruter til både Florø og Førde.
Eikefjord har også hatt utfordringar med elektrisk kraft, men dette skal endre seg med utbygginga av kraftstasjonen i Økneelvarne. Økonomisk har Eikefjord slite, men med folk som viser pågangsmot og arbeidsvilje, er det håp om vidare vekst og utvikling i framtida.
Kilde:
nb.no, Det norske næringsliv, Sogn og Fjordane Fylkesleksikon, Utgitt 1953.
lokalhistoriewiki.no/wiki/Eikefjord_krins