Fastskular i Hareid
Hareid kommune deler øya Hareidlandet med Ulstein kommune. Dei to kommunane delar øya omtrent etter høgaste punkt i nord/sør-retning. Øya ligg i havet sørvest for Ålesund og rett vest for Sula. Kommunesenteret ligg mot sjøen midt på austsida, mot nord ligg kvalfangstbygda Brandal, og mot sør ligg Hjørungavåg, som mange hevdar er slagstaden der Håkon jarl slo jomsvikingane i det berømte slaget frå 986.
Bigset skule
Bigset skule (over) vart teken i bruk i 1913 og utvida og påbygd i 1950. Johannes Klungsøyr fortel at far hans, fødd i 1907, mintes at han var med og bar stein på den nye skuletomta. Truleg var han med far sin på dugnad. Men før denne skulen var det òg ein skule, bygd i 1878, som vart teken ned og flytta til Vattøy (sjå under Ulstein kommune) Bigset er no nedlagd som skule. Skulehusa er for ikkje lenge sidan overteke av foreininga Bigset kulturoase, som har mange planer for bygget. Dei har no sett igang leksekafé ein gong i veka. Dei som møter opp får gratis frukt og hjelp til leksene. Leksehjelpa er det ein lærar som gjev - gratis.
Brandal skule
Dette store flotte skulebygget er laga i 1904, og er nå i bruk som privatskule.
Snipsøyrdalen skule
Denne skulen ligg ved det stor Snipsøyrvatnet midt inne på øya. Skulen er bygd i 1912 og blir nå halden ved like av Snipsøyrdalen grendalag som held han fint i stand.