Flø

Flø sommaren 2020. Utsikt mot øygruppa Sørøyane, med Runde til høgre. Innanfor moloen ser vi mellom anna campingplassen og forsamlingshuset Vonheim, og øvst ligg nokre av Flø-gardane.

Foto: Trond Nygård

Flø er ei bygd på nordvestsida av Hareidlandet i Ulstein kommune, om lag åtte kilometer nord for kommunesenteret Ulsteinvik. Staden ligg nokså værhardt til, med Atlanterhavet rett ut, men i ly av høge fjell mot aust. Bygda, som har snautt 200 innbyggjarar, hadde tidlegare eigen skule, men denne er nedlagt. I skulebygget held no kunstgalleriet Studio Hugo Opdal til. Flø har òg campingplass og forsamlingslokale (Vonheim).

Gardane her heiter Ytreflø, Midtflø, Indreflø og Roppe. I Norske Gaardnavne heiter det om Flø «at Navnets Betydning er ikke forklaret. Gaardene ligger paa et fladt, temmelig bredt Forland under Fløhornet.»

Kjelder og litteratur

• «Flø», Wikipedia
• Rygh, Oluf: Norske Gaardnavne.
• Studio Hugo Opdal

Galleri

• 

  Forsamlingshuset Vonheim.

  Foto: Trond Nygård (2020).
• 

  Skulebygningen, som er overteken av Studio Hugo Opdal.

  Foto: Trond Nygård (2020).

Eksterne lenkjer

• Ut.no: Roppehornet