Høyanger
(Omdirigert fra «Høyanger (tettstad)»)
Hopp til navigering
Hopp til søk
Høyanger er ein tettstad og administrasjonssenteret i Høyanger kommune i Sogn og Fjordane. Staden ligg inst i Høyangsfjorden, og har nær 2200 innbyggjarar (2016). Høyanger vart regulert som ein industriby av arkitektane Christian von Munthe af Morgenstierne og Arne Eide i 1917, på oppdrag frå industrieigarar som Sigurd Kloumann.
Høyanger Metallverk, som er ein del av Norsk Hydro, produserer råaluminium og anna. Aker Kværner har òg stor aktivitet med industrielt vedlikehald, og bilfelgfabrikken Fundamus leverer felgar mellom anna til Audi.
Namnet kjem frå norrønt hey, 'høy' og angr, 'fjord' og var opphavleg namnet på Høyangsfjorden.
Litteratur og kjelder
- Høyanger på Wikipedia på bokmål og riksmål.
- Høyanger - tettsted i Store norske leksikon.
- Statistisk sentralbyrå: Befolkning og areal i tettsteder, 1. januar 2016..