Hadseløya
Hadseløya (nordsamisk Ulbi) er ei øy i Hadsel kommune i Vesterålen i Nordland. Den vart tidlegare kalla Ulvøya, av norrønt Ylfi. Øya har eit areal på 102 km². Det høgaste punktet på Hadseløya er Lamlitinden på 656 moh. På øya ligg tettstadane Melbu og Stokmarknes, på henhaldsvis nord- og sørsida av øya.
Hadseløya er knytt til den vesle Børøya med Børøybrua og vidare med Hadselbrua til Langøya. Riksveg 82 (tidlegare E10) går over bruene via Stokmarknes til Melbu, og med ferje til Fiskebøl på Austvågøy. Det går òg fylkesveg på yttersida av Hadseløya mellom Stokmarknes og Melbu.