Haukedalen krins

Kartutsnitt frå Fylkesatlas

Foto: Sogn og Fjordane fylkeskommune/Fylkesmannen i Sogn og Fjordane

Haukedalen krins er ein skulekrins i Førde i noverande Sunnfjord kommune.

Den fyrste skulen i Haukedalen var ein omgangsskule, som i dei fleste andre bygder. Læraren underviste elevane i ei grend nokre veker, den neste perioden underviste han elevane i ei anna grend. I Haukedalen veit vi at det var drive skule i gamlestova til Gunnar Jan Gjerland, i Marka, i huset til lærar Slåtten, på Bakkane på Hårklau og i huset til Ruth Oen.

Lærarar

Etternamn	Fornamn	Fødd	Skule	Tilsett år	Slutta år	Utdanning frå	Merknad
Nesse	Sigurd		Haukedalen skule	1873	1877	Balestrand lærerskole

Lærar og forfattar Sigurd Nesse kom som nyutdanna lærar til Haukedalen i i 1873/74. Han var der i tre-fire år, og reiste frå bygda som ein repektert mann. Han hadde stått i fremste rekkja i ei vekkjing og vore med å skipa ei misjonsforeining. I 1957 vart han heidra med minnebilete som i dag heng i Forsamlingshuset i Haukedalen. Nesse var utdanna ved lærarskulen i Balestrand og lærarskulen på Stord. Etter tida i Haukedalen jobba han også som lærar i Vik i Sogn i fem år, i Sogndal og til sist på Eidsvoll frå 1893-1923.

Kjelder og litteratur

• Hermund Kleppa, Kulturhistorisk leksikon, Minnebilete i Haukedalen - Lærar Sigurd Nesse
• Grøneng, Lilly "Skulehistoria i Haukedalen" Førde Historietidsskrift,2015, Førde historielag.