Klakegg krins
Klakegg krins var ein skulekrins i Jølster kommune i Sogn og Fjordane. Det fyrste man høyrer om undervisning i Klakegg er frå 1749. Dette var i ein instruks tilsendt lærar Nils Sandnes frå sokneprest Rasmus Fischer. Der står det oppført at Sandnes skulle undervise borna i "Klakeg".
Skulen var to-delt frå 1865. Det var i perioden 1865-1888 gjennomsnittleg 19 elevar i skulen kvart år.
I 1947 blei ein ny krinsregulering drøfta. Forslaget var å samle skulekrinsane Heggheim, Klakegg og Vika til ein sentralskule på Skei. Transport til og frå skulen skulle ordnast. Krinsstyret i Klakegg ville ikkje gå med på forslaget. Dei meinte at det ville vere betre med eit nytt skulehus på Klakegg enn at elevane vart overført til Skei. Men etter fleire år med motstand mot ein samanslåing med Skei, blei det i 1960 fleirtall i krinsmøte for en ein nedlegging av Klakegg krins. Frå hausten 1960 blei borna på Klakegg sendt til sentralskulen på Skei, som hadde blitt opningsklar det same året.
Skulehus
Skulehuset i Klakegg er frå 1881, og kan ha vore den fyrste fastskulen som vart bygd i Jølster kommune.
Gjennom 1900-tallet forfalt huset kraftig. I møteboka frå 1940 står oppført at det var "uforsvarlig å ha det som det er no" og at foreldra ville "halde bornia heime frå skulen so lengje huset er som no". På grunnlag av desse argumenta, blei det sendt ein førespurnad til skulestyre i Jølster om Klakegg krins kunne få eit nytt skulehus. I årene etter 1940 var det diskusjon mellom skulestyre i Jølster og Klakegg krins om plasseringa til det nye skulehuset. Dei blei ikkje semje og skulehuset vart ikkje bygt. Skulestyret i Jølster blei etter kvart skeptisk til å bygga eit nytt skulehus på Klakegg. Dei meinte at krinsa burde underleggjast den nye sentralskulen på Skei, og at bygging av eit nytt skulehus var unødvendig. Det gamle skulehuset var difor i bruk heilt fram til 1960, då Klakegg krins vart nedlagt.
Skuledagen
Skulevegen
Lærarar
| Namn | Fødd | Skule | Tilsett år | Slutta år | Utdanning frå | Merknad |
|---|---|---|---|---|---|---|
| Martinus Dvergsdal | 1863 | Eikås, Fluge, Heggheim, Klagegg | 1891 | 1916 | Stord 1883 | Lærar i Eikås og Fluge fram til 1896, så lærar i Heggheim og Klakegg.[1] |
| Johannes A. Klakegg | 1887 | Klakegg | 1916 | 1960? | Volda 1911 |
Foto
Kjelder og litteratur
Prenta kjelder
- Espeland, Arne: Norske skulefolk. Stavanger, Dreyer (1934)
- Bakke, Karl: Norske skulefolk 1. Stavanger, Dreyer (1952)
- Bakke, Karl: Norske skulefolk 2. Stavanger, Dreyer (1952)
- Femårsmeldingar frå 1891-1895, 1896-1900 og 1901-1905, Fylkesarkivet i Sogn og Fjordane
- Møtebok for tilsynsutvalet i Klakegg skulekrins og Heggheim skulekrins, 1890-1912. Digital versjon på Digitalarkivet.no.
- Møtebok for tilsynsutvalet i Klakegg skulekrins og Heggheim skulekrins, 1913-1960. Digital versjon på Digitalarkivet.no.
- Skuleprotokoll for Viken skule, Skrede skule og Klakegg skule, 1876-1903. Digital versjon på Digitalarkivet.no.
- Dagsjournal for Klakegg krins, Flatjord krins, Heggheim krins og Aamod krins, 1865-1888. Digital versjon på Digitalarkivet.no.
Digitale kjelder
Ikkje-prenta kjelder
Koordinater: 61.609400° N 6.527817° Ø
- ↑ Møtebok for skulestyret i Jølster, 1880-1918. SIde 34.