Nærbø kommune
Hopp til navigering
Hopp til søk
Nærbø kommune i Rogaland vart oppretta i 1894, då dåverande Hå kommune vart delt i Nærbø og Varhaug. I 1964 vart Nærbø samanslegen med Ogna og Varhaug til den nye storkommunen Hå.
Då Nærbø gjekk inn i Hå, hadde kommunen eit flateinnhald på 65 km2 og 3844 innbyggjarar. Noverande Nærbø sokn tilsvarar den gamle kommunen, men folketalet er no (2014) meir enn dobbelt så høgt, nemleg 8787.
Den kommunale verksemda
Nærbø hadde mellom anna kommunalt elektrisitetsverk, aldersheim og fire folkeskular. I Norsk Allkunnebok (1959) heiter det at «Nærbø er nøytralt i målspm. Nyno. er hovudmål i 3 og bokm. i 1 av dei 4 skulekrinsane».
Kjelder og litteratur
- Norsk Allkunnebok, IX. bandet, Oslo 1959: «Nærbø».
- «Nærbø – tidligere kommune» i Store norske leksikon