Slåkåvegen

Slåkåvegen i Frølandgrenda med garden Bergene (gnr. 76/1).

Foto: Roy Olsen (2021).

Slåkåvegen er ein 12,5 kilometer lang skogsveg med bom i Sauland i Hjartdal kommune. Han tar av sørover frå Frølandvegen i Frølandgrenda og følgjer Slåkådalen fram til hyttegrender ved Slåkåvatnet aust for Mælefjell.

Vegen har namn etter stulseigedomane Søndre Slåkja (gnr. 80/9) og Slåkja (gnr. 80/7), eller kan hende det er Slåkåvatnet som er namneopphavet. Han vart namnsett i 2011.

Ved Slåkåvatnet møtast Slåkådalen og Grunningsdalen. På Slåkja, bnr. 7 er det pr. 2021 sett opp 59 hytter, dei fleste på 1980-talet.

Kilder

• Kartverket, norgeskart.no
• Kleveland Karlsrud, Gjertrud: Hjartdalssoga, gard og ætt, band 2, Sauland. Hjartdal kommune 1992.
• Hjartdal kommune: Vegoversikt pr 31 05 2011.pdf