Stølan (Rånå)

Steinmurar på Nedre Stølen.

Stølan er eit utmarksområde vest for Asbjørnsåa i Rånå i Lesja kommune. Her hadde Nigard Rånå frå gamalt seter, og det er knytt mange historier om hulder på staden (jf. Raanaa).

Det må ha vore slutt på setringa i Rånå tidleg, truleg før hundreårsskiftet 1900. Da stoffet til boka Setrane i Lesja i teikning og tekst (1988) var samla inn, kom det ingen informasjon om drift her.

På norgeskart.no er det avmerkt tre stølar: Nedre, Midtre og Øvre, men det er berre på Nedre det er tydelege spor, og det har truleg berre vore ei seter her.

Bilde

• 

  Tydeleg tuft ca. 20 meter nord for steinmurane.

Kjelde

• Raanaa, Harald 2011: Litt frå Rånå-grenda. 271 s. Digital versjon på Nettbiblioteket