Ertvågsøya
Ertvågsøya (òg kjend som Ertvågøya og Artvågsøya) er ei øy i Aure kommune på Nordmøre. Ho har eit areal på 139,7 km². Foldfjorden og Skausetvatnet på midten av øya delar ho i to om lag like halvdelar. Mot vest ligg Solskjel og Stabblandet over Imarsundet, mot nord Trondheimsleia, mot aust fastlandet med Aure over Aursundet og mot sør Vinjefjorden og Valsøyfjorden.
Tidlegare høyrde sørsida av øya til Valsøyfjord kommune, og ei stripe langs Imarsundet til Edøy og Tustna kommunar. Heile øya blei lagt under Aure kommune den 1. januar 1965.
Det høgaste punktet er Korsbekkfjellet på 694 moh.