Gamlegata (Sauherad)
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Gamlegata på Gvarv i Sauherad kommune går fra krysset med Skrivarvegen og Ketil Skogens veg til Gvarvgata.
Gata er 722 m lang og blei offisielt namnsett i 1999. Gamlegata har den eldste busetnaden på Gvarv. Frå 1850 og fram mot 1900 blei gata, som seinare fekk namnet Gamlegata, forma. Det var her tettstadutviklinga starta, og dette var hovudgata fram til 19?? da Gvarvgata blei anlagd. Midt på 1800-talet opna den første landhandelen, og sidan kom butikkar, handverkarar og anna verksemd i tur og orden: Meieri, bakar, bank, apotek, skreddarar, smedar, skule, hotell, gjestheim og mykje anna.
Torkild T. Gunheim (1845-1911) har betydd mykje for utviklinga av tettstaden. Han kjøpte tomter på Gvarv og sette opp gamle tømmerhus som han henta frå bygdene rundt. Dei blei påbygd, modernisera og fekk utvendig panel. Gunheim tok også initiativ til oppstarting av meieridrift med smør- og osteproduksjon. Meieriet heldt til i tre forskjellige bygningar før verksemda blei flytt til Notodden.
I 1922 opna Sørlandsbanen fram til Gvarv, og det fekk store følgjer for staden, som endra karakter. Gods- og persontrafikken blei for ein stor del flytta over til jernbanen, og båtane slutta å anløpe Gvarv brygge. Bø tok etter kvart over som handelsstad og trafikknutepunkt. Butikkane på Gvarv i dag, ligg langs Gvarvgata, Riksveg 360. I Gamlegata er berre bakeriet att.
Utviklinga i Gamlegata har stått stille sidan førre århundreskifte. Gata har bevart sitt gamle preg som forteller Gvarv si historie. Dei fleste av dei gamle bygningane, bygd i sveitser-, jugend- og senempirestil, er godt bevart og i bruk som bustadar. Busetnaden er heilheitleg, og det er mykje snikkarglede og frodige detaljar å sjå.
På 1980-talet var det ein stor diskusjon om nyutvikling og modernisering, og Gamlegata sto i fare for å bli rasert. Da blei det heldigvis, med utgangspunkt i lokalt engasjement, utvikla ein bevaringsplan for å sikre og ta vare på miljøet og de gamle bygningane.
Eiendommer
| Nr. | Bilde | Om eiendommen |
|---|---|---|
| 3 | Gnr. 78/194, «Lindbo II». | |
| 4 | Fil:Sauherad, Gamlegata 04.jpg Foto: Roy Olsen (2017) |
Gnr. 78/272 |
| 5 | Gnr. 78/63, «Sole». Sett opp i 1884. Landhandel, posthus, folkeboksamling og bustad. Dronning Sonjas oldemor Hanna Andrea Nielsen budde her som enke tidleg på 1900-talet. | |
| 7 | Gnr. 78/252, «Næs Forbruksforening». Oppført som handelshus i 1870 for Næs Forbruksforening. | |
| 8 | Gnr. 78/274, «Kornmagasinet». Blei sett opp på Skrivarmoen i Nesherad i 1852, seinare flytt til Gvarv, der det står no. Frå 1873 blei bygningen bruka som pakkbu for Næs Forbruksforening | |
| 9 | Gnr. 78/31, «Opheim». | |
| 10 | Gnr. 78/152, «Strandli II». | |
| 11 | Gnr. 78/32, «Gvarvtun». | |
| 12 | Gnr. 78/27, «Solvang». Opphaveleg tømre frå Neset under Leikvang flytt hit i 1905. Gvarv Privatbank hadde tilhald her frå 1918 til 1937 da banken blei avvikla. | |
| 13 | Gnr. 77/25, «Trudvang». | |
| 14 | Gnr. 78/50, «Apotekergården». Døme på eit bygg i jugendstil i Gamlegata. Bygd som apotek i 1916–17 av apotekar O. Saugestad. Apotek til slutten av 1960-talet, deretter bustad. | |
| 15 | Gnr. 77/17, «Garmo», «Enggravhuset». Manufakturforretning og bustad bygd ca. 1900. Eivind Enggrav (1885–1965) dreiv saman med sonen, Olav, skredderi, systove og manufakturforretning frå 1914 til 1952 med opp mot 36 tilsette (sjå også nr. 22). Seinare var her forretning, posthus og bustad. | |
| 16 | Gnr. 78/55, «Sole». | |
| 17 | Gnr. 77/22, «Mo». Huset blei sett opp av Hans Laskemoen i 1925. Opprinnelsen til huset var ei lita eldre stuge som han flytte frå Røte på Roteberga i Bø. Han bygde på den gamle tømra og dreiv skysstasjon og kafé her, og i 1920-åra var det dansetilstelningar i andre etasje. I 1930 kjøpte Andrea og Olav Knutsen eigedomen og dreiv landhandel og mjølkeutsalg. Sonen Gregert dreiv transportfirma her, og butikken blei seinare overtatt av han og kona, Aasta som dreiv mjølkeutsal og kiosk her fram til slutten av 1970-talet. Sidan har det vore bustad og atelier her. Bygningen fekk etter kvart fleire elementer av empirestil. | |
| 18 | Gnr. 78/60, «Moheim». | |
| 19 | Gnr. 77/65. | |
| 20 | Gnr. 78/18, «Lyheim». | |
| 21 | Gnr. 77/8, «Vonheim». Hus i sveitserstil sett opp i 1885 av Wilhelmine Holmboe. Distriktslege Jens C. Holmboe overtok i 1894. Her var legekontor fram til 1934, sidan bustad. | |
| 22 | Gnr. 78/19, «Enggrav», «Bakeriet». Lokale for Enggravs systove (sjå nr. 15). Frå kring 1960 blei det, etter oppføring av eit tilbygg, bakeri med utsal her. | |
| 23 | Gnr. 78/36, «Gvarvmoen», «Gjestheim». Sett opp i 1896 i sveitserstil. Fyrste høgda var ei 300 år gamal tingstove henta frå Nedre Holtan. Her blei det opphaveleg drive privat middelskule. Det var sidan meieri og butikk, men frå 1926 blei det drive hotell til ut i 1970-åra. Fram til etter krigen var dei delvis sjølvforsynte her, med to kuer og dyrka mark ned mot elva. Huset var sentralt i kunstnarmiljøet kring Erik Werenskiold frå tida hans på Gvarv. | |
| 24 | Gnr. 78/52, «Solberg», «Aaraashuset». Bustadhus. Sidan kiosk for ymse småhandel og fiskehandlar Tollef Aaraas si verksemd. Han kjøpte eigedomen i 1946. | |
| 26 | Gnr. 78/76, «Furuly», «Johansens bakeri». Sett opp i 1908 av Isak Johansen som bakeri og bakeriutsal. Var i drift her fram mot 1960, da dei flytta til Gamlegata 22. Sidan har huset vore bustad. Her er ein egedom typisk for Gamlegata, med stor tomt og uthus og butikk ut mot gata. | |
| 27 | Gnr. 77/29, «Moen», «Moenstugo». Husmannsplass og bustad. Eldste hus i Gamlegata. Bygd opp i 1865 av ei tømre flytta frå Østmarka under Håtveit av Hans Hansson Ibsen. Til staden høyrde tidlegare dei næraste områda egna til beite for kuene dei hadde på plassen. | |
| 28 | Gnr. 78/25, «Moheim», «Lundevall». Bustadhus. | |
| 33 | Gnr. 77/1/1, leigetomt under Lindheim søndre. Her var det bokhandel og kortevareforretning. | |
| 34 | Gnr. 78/39, «Gvarv». Johs. Haugen landhandleri. Bustad. | |
| 36 | Samme eiendom som 78/39, «Gvarv». | |
| 38 | Gnr. 78/48, «Gvarv hotell». Hovedhuset er ei tømre som Torkild T. Gunheim henta frå ein av Haukvikgardane på Akkerhaugen kring 1890. Han utvida seinare bygningen og leigde ut til Jacob og Caroline Nilsen frå Porsgrunn som dreiv Gvarv Hotell her. Sidan var det i mange år tannlegekontor, og etter det har det vore bustad. | |
| 40 | Gnr. 78/216 | |
| 42 | Gnr. 78/215, «Skogheim». | |
| 44 | Gnr. 78/212 | |
| 46 | Gnr. 75/41, «Skogtun». | |
| 48 | Gnr. 75/30, «Øyestad». Tidligere uten nr. | |
| 50 | Gnr. 75/38, «Seim». Tidligere nr. 48. | |
| 52 | Gnr. 75/12, «Farstad». Tidligere nr. 50. | |
| 54 | Gnr. 75/43, «Farstad III». Tidligere nr. 52. | |
| 56 | Gnr. 75/42, «Farstad II». Næringsbygg |
Kilder
- Kartverket: Norgeskart
- Lodberg-Holm, Brita og Skjeldal, Olav H.: Bevaringsplan for Gamlegata, Gvarv. Rapport 1990. Sauherad skole- og kulturforlag, 1991.
- Lions Club Sauherad: Velkommen til Gvarv og Ei vandring i Gamlegata (udatert hefte).
- Plaketter på en del hus med historikk.
- Kulturminnesøk: Mjølkeutsalget
Koordinater: 59.38863° N 9.17990° Ø