Halvor Larsson Espe
Hopp til navigering
Hopp til søk
Halvor Larsson Espe (fødd kring 1692, død kring 1756) var frå garden Espe i Jostedalen i Sogn og Fjordane. Han var yngste son av Lars Knutson Espe.
Halvor fekk 28. november 1715 bygselbrev på heimebruket Espe etter far sin og dreiv garden levetida ut.
I åra 1714-1716 var han kyrkjeombodsmann i Jostedalen 1714-1716 i lag med faren.
Halvor var gift tre gonger og fekk i alt ni born.
Med Martha Halvorsdotter frå Stokkanes i Luster fekk han:
- Gunvor Halvorsdotter (1723-1803), gardbrukarkone på Rebni i Luster
- Cecilia Halvorsdotter (f. kring 1725), gardbrukarkone i Sogndal og Kyrkjebø
Andre ekteskapet var med Eli Andersdotter, dotter av gardbrukar og kyrkjeombodsmann Anders Olson Åsen. Ho hadde ei dotter frå før og fekk fire born med Halvor:
- Martha Olsdotter (1725-1796), husmannskone på Sva i Luster
- Anders Halvorson (1728-1812), husmann på Åsastølen under Åsen
- Lars Halvorson (1731-1806), gardbrukar på Nedrelid (Garen)
- Martha Halvorsdotter (1734-1747)
- Anna Halvorsdotter (1736-1816), husmannskone under Bruheim
Med Synneva Hermundsdotter frå Veum i Hafslo fekk han tre born:
- Eli Halvorsdotter (1741-1809), gardbrukarkone i Bakken
- Cecilia Halvorsdotter (1742-1818), husmannskone på Gjerde
- Martha Halvorsdotter (1747-1820), gardbrukarkone på Øvre Fåberg
Litteratur
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 544. (digital utgåve, NBdigital)