Muggsloptet

Muggsloptet under restaurering i 1998. Han som ser til torva, er Alf Helge Vatnedalen. Bilete frå Ingebjørg K. Byklum.

Muggsloptet er eit lopt frå mellomalderen på Innistog Byklum i Bykle kommune. Det har namn etter Mugg Byklum, som etter segnet skal ha vore rudkallen på Byklum. Loptet er tidfest til å vere frå før 1350.

Koblinga til Mugg Byklum er usikker på fleire vis. For det første veit ein ikkje om Mugg verkeleg har levd, og for det andre er nok garden rydda i bronsealderen eller yngre steinalder, altså langt tidlegare enn 1300-talet.

Litteratur og kjelder

• Muggsloptet på Riksantikvarens nettsted kulturminnesok.no.
• Olsnes, Aanund: Heimar og folk i Bykle. Utg. Bykle kommune. 2006. (digital utgåve på Lokalhistoriewiki).