Bruheim (Jostedalen)
Bruheim (Luster, gnr. 192) er ein matrikkelgard i Jostedalen, Luster kommune. Matrikkelgarden ligg på austsida av Jostedøla og grensar i sør mot Åsen og i nord mot Bjørk.
| Bruheim | |
|---|---|
| |
| Bruheims-bruka (t.v. og i midten) og Kveabakken (t.h.) | |
| Stad: | Jostedalen |
| Sokn: | Jostedalen |
| Fylke: | Vestland |
| Kommune: | Luster |
| Gnr.: | 192 |
Husstandane under Bruheim sokna fyrst til Kreken skule. Etter at vegen gjennom Gardsgjølet stod ferdig i 1915, vart krinsgrensa endra slik at Bruheim sokna til Sperle skule. Unntaket var dei nordlegaste bruka på Stegen.
Bruk
- Bnr. 1 Bruheim - det opphavlege bruket
- Bnr. 2 Bruheim - den 7.10.1852 vart det opphavlege bruket delt i to jamstore bruk
- Bnr. 3 Moen - rydda som husmannsplass kring 1833 som ein del av naboplassen Stegen 2. Under garddelinga i 1852 kom Moen under bnr. 2, og 23.9.1881 vart plassen fråskild
- Bnr. 5 Kveabakken - rydda som husmannsplass kring 1830, frå 1852 plass under bnr. 2. Frådelt 20.-21.9.1901
- Bnr. 6 Stegen, fråskild bnr. 1 den 9.9.1935
Husmannsplassar
Det har vore sju husmannsplassar under Bruheim:
- Frydenberg - rydda kring 1780, plass under bnr. 1, nedlagd kring 1859
- Porten (Svartholet) - truleg rydda kring 1830, plass under bnr. 1, frå 1852 under bnr. 2, nedlagd kring 1870
- Kveabakken - rydda 1830, plass under bnr. 1, frå 1852 under bnr. 2, fråskild 20.-21.9.1901 som bnr. 5
- Stegen 1 (Bjørkestegen) - rydda kring 1790, plass under bnr. 1, øydelagd av snøskred kring 1825 og flytt nærare elva, men omstenda er uklare - kanskje i bruk til 1839.
- Stegen 2 - teken i bruk 1825, plass under bnr. 1, fråskild som bnr. 6 den 9.9.1935
- Moen - rydda kring 1833 ved at husmannen i Stegen 2 var viljug til å avstå denne delen av plassen, plass under bnr. 1, frå 1852 under bnr. 2, fråskild som bnr. 3 den 23.9.1881
- Morki - rydda kring 1895, plass under bnr. 3 Moen, nedlagd 1918
Kjelder og litteratur
- Bruem i folketeljinga 1801 for Jostedal prestegjeld frå Digitalarkivet
- Laberg, Jon. (1939). Jostedal. Ei stutt utgreiding um bygdi og folket der. Tidsskrift utgitt av Historielaget for Sogn (nr. 10), 15-70. (Digital utgåve, Jostedal historielag)
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 275-322. (Digital utgåve, NBdigital)
- «Bruheim», Gardsleksikon, Fylkesarkivet i Sogn og Fjordane