Hjartåbergtunnelen

Hjartåbergtunnelen er ein del av rassikringsprosjektet på strekninga mellom Homberset og Geitvika i Volda kommune, Møre og Romsdal. Frå sørenden av Rotset-tunnelen ved Løvikneset køyrer ein om lag 1000 m veg i dagen ved Homberset til nordvestre enden av Hjartåbergtunnelen. Tunnelen er 3495 m lang målt i senterlinja på portalene, profil er T9,5, og den søraustre enden kjem ut like ved Kvennelva / Hjartåelva.

Som ein kontrast til vegarbeid i 2014 tek me med dette bildet frå vegbygging i Hjartåberget i 1904.

Tunnelen vart driven av Leonard Nilsen & Sønner. Utkøyring av tunnelmasse var det T. Engene og Volda Maskin som utførte. Sjå spesifikasjonar i tabellar lenger ned på sida. Planlagt opning var september 2013. Uforutsette hendingar gjorde at dette vart endra. Det vart ca. 2 mnd. forseinking grunna ras i Selvikberget, og ca. 5 mnd. forseinking på elektroarbeidet i tunnelen, årsak konkurs i elektrofirmaet. Etter raset i Selvikberget vart vegen stengd i ca. 6 veker. Det vart litt endring på veglinje, men vegen måtte likevel skytast hardare inn i fjellet og det vart ei stor steinfylling på utsida. Dette var eit spesielt arbeid, vegen vart midlertidig bygd opp ca. 8 m for å nå opp på fjellhammaren med boreriggen. På ei strekning på ca. 180 m vart ytre vegkant bygt i betong fota på fjell.

Årsettunnelen vart utvida til same standard som Hjartåbergtunnelen og fekk litt endra retning for betre kurvatur. Eksisterande veg mellom Kvennelva / Hjartåelva og Geitvika er opprusta til same standard som resten av Kvivsvegen. Den gamle brua over Aurstadelva vart riva og ny bru med justert retning vart bygd. Geitvikbrua fekk utvida breidd på begge sidar . Det er no ei samanhengande strekning på ca. 36 km frå Volda i Møre og Romsdal til Grodås i Sogn og Fjordane med god stamvegstandard.

Ved Kvennelva er bygt ein romsleg rasteplass med servisebygg for tunneltekniske instalasjonar, og med rom for toalett. På rasteplassen er det fleire bord og utsiktspunkt. Den gamle Hjartå bru var i ei periode utvida for trafikale forhold men er no ført attende til gamal utføring. På gamlevegen nord om elva er det bygt opp eit utsiktspunkt. Den gamle drifteråsa for dyr frå Hjorthaug er og teke vare på. Det er løyst ved veg over tunnelportalen og ei bru over elva rett oppom riksvegen, og med eit sjåverdig rekkverk.

Spesifikasjonar for tunnelen:

Lengd	3 495 m
Profil	T9,5
Tverrsnitt	71,9 m²
Fast volum fjell	267 500 m³
Laus masse - opplest	481 500 m³
Plassert masse på veg, underbygging tunnel	14 680 m³
Lengd borhol på salve	5 m
Lengd (brytning) salve	4,8 m
Ca tal borhol pr salve	150 stk.
Bormeter pr salve	750 m
Ca tal salver	725 stk
Bormeter totalt	550 000 bm
Ca sprengstoff pr salve	850 kg
Ca sprengstoff totalt	620 000 kg
Start tunneldriving	14.7.2011
Gjennomslag	13.9.2012

Andre opplysningar i tabellform.

Masseflytting veg i dagen Homberset-Årset	260 000 m³
Masseflytting veg i dagen Årset-Geitvika	25 800 m³
Forbruk bolt veg i dagen Homberset- Årset	5120 stk
Sprøytebetong Hjartåbergtunnelen	9 570 m³
Areal vannsikring Hjartåbergtunnelen	71 400 m²
Total lengde trekkerør Homberset-Geitvika	96 000 m
Betongrekkverk Homberset-Årset	8 100 m
Stålrekkverk Homberset-Årset	12 200 m
Isnett Selvikberget	12 500 m²

Planlagt opning september 2013.
Forseinking skyldt ras i Selvikberget ca. 2 månader.
Forseinking pga. konkurs elektro mm. ca. 5 månader.
Hjartåberget opent for trafikk 17. februar 2014.
Offisiell opning 14.6.2014.

Bilder

Skogryddinga er i gang på Homberset for vegtraseen og tunnelpåhogget til Hjartåbergtunnelen.
Datoen er 22 november 2011 og no er det full drift på vegarbeidet på Homberset.
Arkeologane er i arbeid rett nedom riksveg 651 på Homberset.
Her ser me ei tidleg fase frå forskalingsarbeidet på ny bru over Kvennelva.
Statens vegvesen har lagt til rette for at ”dei tre bukkane Bruse”
Mykje har endra seg i dette området sidan 31 mai 2011 då dette fotoet var teke.
Slik såg det ut når vegbana var bygt opp for å rekke opp på kanten med boreriggen.
Dette foto er teke frå lang avstand men viser litt av utfordringane i dette prosjektet.
Dei har luftig arbeidsplass karane i korga.
Her er frå forskalingsarbeid på portalen til Årsettunnelen.

Kjelder

Statens vegvesens prosjektkontor på Fyrde ved Svein Skeide, tabeller og punktliste.