Holtsåsvegen
Holtsåsvegen i Sauherad i Midt-Telemark kommune går aust- og sørover frå Nordagutuvegen. I enden splittar vegen seg opp i fleire greiner som endar ved einebustadar. Fram til tidlegare Holtsås stasjon er vegen ein del av fylkesveg 360.
Det er usikkert kva vegnamnet kjem av. Det kan vere jernbanestasjonen eller den høge åsen Holtsås som ligg eit stykke unna. Tidlegare het vegen Holtevegen etter Holte-gardane, eit namn som blei vedtatt i 1999. I 2009 endra ein namnet til Holtsåsvegen.
Holtsås blei oppretta som haldeplass på Sørlandsbanen i 1917 og oppgradert til stasjon i 1930. Han blei ubemanna i 1968, og haldeplass igjen frå 1990. Da blei også krysningssporet fjerna. I dag er staden utan togstopp, og stasjonsbygningen er overtatt av private som bustad.
Kjelder
- Kartverket: Norgeskart
- Banedata 2013, Thor Bjerke (red.) Hamar/Oslo 2013.
- Statens vegvesen: veikart.