Hordaland Sogelag
Hordaland Sogelag er ein paraplyorganisasjon for dei lokale sogelaga i Hordaland. Laget vart skipa i 1986 som eit fylkeslag for Landslaget for lokalhistorie. Alle soge- og historielag i tidlegare Hordaland fylke kan såleis vera medlemmer.
Ei hovudoppgåve for Hordaland Sogelag har vore å samordna arbeidet med dei årlege lokalhistoriske dagane i Hordaland. Laget har dei siste åra arrangert studieturar i vesterveg, som har gått til mellom anna Shetland, Orknøyane, Isle of Man og Island.
Det er halde kurs for lokallaga, mellom anna i å byggja opp biletsamlingar på nett. Eit anna prosjekt har vore kurs i treskolaging. I 2011 vart det halde 25-årsjubileum for Hordaland Sogelag.
I 2019 var det om lag 5000 medlemmer. Talet er stabilt, og det er jamn aktivitet.
Publikasjonar
Hordaland Sogelag starta i 2010 ein skriftserie, Segn og soge, som i 2011 er kome med eitt hefte, ei samling artiklar av historikaren Anton Espeland.
Formenn/leiarar
- Jan B. Thorsheim 1986-1991
- Arnstein Lohndal 1991-1995
- Berit Kvalvik 1995-1999
- Åse Eikemo Strømme 1999 - 2002
- Marta Rykkje 2002-2003
- Berit Kvalvik 2003-2005
- Åse Eikemo Strømme 2005-2006
- Else Marie Kind Hevrøy 2006-2014
- Mikal Heldal 2014-2017
- Knut Farestveit 2017-
Åse Eikemo Strømme og Mikal Heldal har sete i styret i Landslaget for Lokalhistorie, Heldal også som leiar.
Kjelder og litteratur
- Opplysningar frå laget, 2019 (Landslaget for lokalhistorie si lagsundersøking).