Karlstad (Fyresdal)

Karlstad (gnr. 37/5/13) er ein bygning i Folkestadbyen i Fyresdal og har adresse Skippergata 5. Husstaden er mellom Bakeriet og elva.

Karlstad i Folkestadbyen til høgre. Framme er uthusa til Øystad, og bak til venstre er Bakeriet.

Foto: Tore Samuelsen (2020).

Karl Gustav Walquist leigde i 1892 jordstykket Karlstad av Fyresdal Forbruksforening for 400 kroner. Karl Gustav kom frå Växjö i Sverige, var gift med Birgit Olavsdtr. og var skreddar. Hus hadde han fått frå Kåsa under Nesland.

Lars Bjørguvson fekk skifteheimel på tomt og hus for 866 kroner i 1905. Etter dette har det vore fleire eigarar med ulikt yrke. Olaus Skogstad tok over i 1933 og bygde nye hus etter andre verdskrigen. Han arbeidde i Statens Vegvesen.

Kjelder og utdjupande lesnad

• Lauvdal, Hans Andor: Skippergata i Fyresdal. Ein artikkel i "Sjå deg attyvi" 1990 Fyresdal Sogelag, s. 11, 14.
• Marvik, Steinar: Fyresdal. Gards- og ættesoge. Fyresdal kommune 1992
• Ormtveit, Astrid og Landvik, Olav: Hus og folk i Folkestadbyen. Sjå deg attyvi. Fyresdal Sogelag 2009. S. 5-34.