Lesja bygdatun
Lesja bygdatun er eit friluftsmuseum på Lesja. Det ligg i Lesja sentrum like ved Lesja kyrkje.
Fram til 1984
Arbeidet med å få til eit bygdetun i Lesja tok til på vårparten i 1957. Da skulle Lesja kommune selje Hauje, der det hadde vore gamleheim. Ola Skotte og Per R. Einbu skreiv da til heradsstyret og bad om at tre hus: kornmagasinet, ei tørkestugu og ei bekkjekvern vart teke unna salet og brukt som start på eit bygdatun. Heradsstyret innvilga søknaden, løyvde samstundes kr 5000 til flytting av magasinet og gav fri tomt til bygdatunet. På eit møte hos Per R. Einbu 13. februar 1958 vart så Lesja heimbygdslag stifta, med arbeidet for bygdatunet som hovudoppgåve.
Heimbygdslaget bad om hjelp frå Maihaugen til å planlegge plasseringa av husa. «Vi kontakta Maihaugen og G. Norman var oppe her og såg på tomta, men noko plan fekk vi ikkje så vi måtte gjera det etter vårt eige 'hugu'» skriv Ola Skotte om denne fasen. I 1963 kom det første huset, Ulateigstugu på plass, og i 1967 dei tre husa frå Hauje. Bekkjekverna var så dårleg at det ikkje var nokon vits i å sette ho opp, men laget fekk ein anna frå Runningen.
Etter kvart kom det ein god del fleire hus på bygdatunet, som har stor aktivitet mest dagleg kvar sommar gjennom eit eige prosjekt «Liv i husa».
Nyorganisering 1984: Lesja bygdemuseum
I 1984 vart fleire museumsprosjekt i kommunen samorganisert under paraplyen «Lesja bygdemuseum». Utanom bygdatune inkluderte det masomnen på Lesjaverk og det nye skulemuseet på Lesjaskog.
Styret for museet 1984-1987:
Oppnemnt av Lesja kommune:
Oppnemnt av Lesja historielag:
Oppnemnt av Oppland fylke:
Galleri
Eldhus frå Kullungstad
Kornmagasinet
Ulateigstugu
Skålgropstein
Litteratur
- Ola Skotte 1983: «Lesja Bygdetun. Litt om starten og dei første åra». Årsskrift for Lesja historielag: 82-86.
- Årsmeldingar for Lesja bygdemuseum i Årsskrift for Lesja historielag 1984-