Lesja historielag

Logoen åt historielaget.

Lesja historielag vart starta 22. mai 1981 og hadde i første driftsåret 25 familie- og 57 enkeltpersonar som medlemer. Laget har til føremål «å vekkje interesse og skapa forståing for bygdehistorie i Lesja. Det vil arbeide for å gjera folk kjent med kulturarven vår, og verne kulturminne av alle slag i bygda».

Frå og med 1983 har laget gjeve ut årsskrift kvart år utanom 1988, da laget var medutgjevar av boka Setrane i Lesja. I tillegg har laget organisert draktopptog, jonsokfeiringar, turar, informasjonsinnsamling om stadnamn, matklokker, kverner, rosemåling m.m., rekonstruert Verkensstugu på Filling og Lorkverna m.m.

I 2019 hadde laget 160 medlemer. Medlemstalet varierer noko frå år til år, og har lege mellom 130 og 180. Dei fleste er passive medlemer.

Aktivitetar

Verkenstugu på Filling 2007.

Foto: Arnfinn Kjelland

• Utgjeving av årboka.
• Restaurering og drift av Lorkverna - industrihistorisk museum og sosial møteplass med drift av anlegg, turstig, rasteplassar, skiløype m.v.
• Kulturelle arrangement med lokalhistorisk vinkling.
• Registrering og tilrettelegging av kulturminne.
• Markdagar - ekskursjonar til kulturminne.
• Kommunen eig ei digital bildesamling, og historielaget er aktiv brukar.

Aktiviteten i laget har vore jamt aukande i mange år.

Leiarar

• Ola Jo Botheim 1981-1985
• Andreas Morken 1986-1990
• Sigmund Sæther 1991-1995
• Hans Avdem 1996
• Odd Reidar Hole 1997-2004
• Kai Ove Riise 2005
• Odd Reidar Hole 2006
• Ola Utgaard 2007-2009
• Bengt Flagestad 2009-2010
• Oddvar Romundset 2011- 2020
• Einar Morken 2021-2022
• Rolf Sørumgård 2022
• Geir Ulekleiv 2023-d.d.

Andre sentrale personar

• Øystein Mølmen: intiativtakar til stiftinga, sentral i styret dei første åra, æresmedlem.
• Audun Einbu: mangeårig leiar av skriftnemnda og redaktør av årboka, æresmedlem.
• Arnfinn Kjelland: redaktør av årboka, støttespelar gjennom mange år.
• Tor Einbu: mangeårig leiar av skriftnemnda og redaktør av årboka, æresmedlem.
• Otto Kornkveen: mangeårig dugnadsinnsats m.v., æresmedlem.

Publikasjonar

• Einbu, Per og Arnfinn Kjelland: Setrane i Lesja i teikning og tekst. Utg. A. Kjellands forlag a.s og Lesja historielag. 1988. Digital versjon på Nettbiblioteket.
  • Melding: Gjermundsen, Jon Ola i Heimen, b. XXVI, s. 182.
• Nordset, Bjørg: Kakejern. Utg. Lesja historielag. 2016. 111 s. ISBN 978-82-92358-16-0.
• Hole, Odd Reidar, Tord Buggeland og Kåre Hosar: Rosemåling frå Lesja. 216 s. Utg. Lesja historielag. 2019. Digital versjon på Nettbiblioteket.

Kjelder og litteratur

• Første versjon av artikkelen er henta fra Preus museums register over norske fotografer.
• Lesja historielag på Digitalt museum.
• Lesja historielag på KulturNav
• Opplysningar frå historielaget, 2019 (Landslaget for lokalhistorie si lagsundersøking).
• Årsmeldingar i Årsskrift for Lesja historielag 1983-.
• Heimeside