Romsdalshornet
Romsdalshornet, ofte kalla berre Romsdalshorn, er eit fjell i Rauma kommune, på austsida av Romsdalen om lag femten kilometer søraust for Åndalsnes. Toppen er på 1550 meter over havet, og fjellet stig nesten loddrett opp frå dalen.
Kristen Hoel frå Gausdal og Hans Bjarmeland frå Vestnes blei i 1828 dei første som klatra til toppen av Romsdalshorn. Neste gong nokon nådde toppen var ikkje før i 1881, for det var vanskeleg å klatre opp på fjellet. Dette førte til at mange ikkje trudde på Hoel og Bjarmeland, men då Carl Hall og hans følgje kom til toppen i 1881, fann dei ein varde som Hoel og Bjarmeland hadde bygd der. Arne Randers Heen gjorde den første vinterklatringa til toppen i 1930, og han var på toppen heile 232 gonger og har fått tilnamnet «Kongen av Hornet».
Kjelder
- Romsdalshorn i Store norske leksikon.
Sjå også
- Ekko i Romsdalshorn (jodlerfox)