Alma Enstad: Forskjell mellom sideversjoner

'''[[Alma Enstad]]''' (født [[16. desember]] [[1916]] på Gjershaugen i [[Øverdalen (Rauma)|Øverdalen]], død [[24. mai]] [[2003]]) i [[Lesja]] var ei aktiv kvinne i Lesja. Ho var født på [[Verma]] av ugifte foreldre Elling Asbjørnsen Ormheim og Brit Slettaøyen (1874-1949), og i kyrkjeboka er det ført opp feil farsnamn, men mora og ho sjølv erkjente den rette faren slik ein kan sjå av folketeljinga 1920.

Mora, Brit, gifta seg i 1921 på Lesjaskog med Syver Syversson Enstad (1875-1948). Han var frå Nordpå Enstad på [[Lesjaskogen sokn|Lesjaskogen]] og hadde fått frådelt eit mindre bruk Vesl-lykkja. Der voks Alma opp. Etter foreldra døydde overtok Alma bruket.

Det var først i vaksen alder at Alme fekk ta utdanning. I 1950-53 gjekk ho [[NKS sykepleieskole|Norske Kvinners Sanitetsforenings sykepleieskole]]. Så var ho distriktshelsesøster på [[Lesjaskog sentrum|Lesjaskog]] til 1956 før ho vart sjukesøster på [[Aker sykehus]] frå 1956. Ho var så oversøster på [[Dikemark sykehus]] frå 1961 til 1972.

Alma heldt god kontakt med heimbygda. Alt i 1964 la ho fram planar om å bygge eit [[Eldres Senter (Lesjaskog)|Eldres Senter]] på Lesjaskog. Ho etablerte eit Eldres Fond og ho gav sjølv betydelege økonomiske midlar til det. Ho fekk med seg bygdefolket og starta innsamlingsaksjonar til formålet. I 1972 var det første bygget ferdig (innflytting på nyåret 1973). Alma var styrar ved senteret til 1982. Ho var òg aktiv på fleire feilt, i [[Lesjaskog Indremisjonsforening]] og i arbeidet med Kyrkjestugu på Lesjaskog.