Blåsen notlag (Vika) – Notbruk i Dalsfjorden (Volda)
Blåsen notlag( Vika): Dette notlaget vart starta ca.1952. Notlinet (nytt) vart levert gjennom firmaet Sverre Eidsvik i Ålesund. Monteringa av nota gjekk føre seg i Steinsvik, og det var Sverre Lyngnes og Jakob Steinsvik (Jona Jakob) som stod føre dette arbeidet. Nota var 115 famner lang og 15 famner djup. I «gjeila» var den 40 omfar og i «bussen»(nota) var den 60 omfar
I tillegg hadde dei 2-3 stengjenøter og kjøpte ei orkastenot på ca.15 famner og ca. 3 famner djupne
Orkastenot vart brukt ved levering av fangsten
Som notbåt vart innkjøpt ein snurpedorry frå Haugsbygda, og han vart ombygd på Bjørneset. Her fekk båten påbygt dekk, og innsett ein 6 hk.Hjelsetmotor. Denne motoren vart seinare utskifta med ein 8-10 hk. Rapp-motor som hadde vore brukt som straumaggregat på Haugens Orgelfabrikk. Dorryen vart også ombygt i akterenden og fekk no tverrhekk og notrull. Ola bygde deretter overbygg framme. Båten fekk namnet mk. «Bulder» og hadde registreringsnr. M-22-D. Båtlengd på 26 fot
Ola S .Løvik kjøpte seinare ein gavlbåt gjennom Gustav Stave på Stadtlandet. Denne vart brukt til spelbåt, og til å ha stengjenøtene i
Dei skaffa seg òg ein gamal gavlbåt frå Steinsvik
«Bulder» vart seld til Gursken då dei avvikla notlaget
Det var 7 parteigarar i notlaget:
- Samund O. Løvik f.1897
- Elias Nesheim f.1912
- Johan O. Drabløs f.1924
- Gudmund Drabløs f.1900
- Jakob Vatne f.1905
- Ola S. Løvik f.1926
- Lauritz S. Løvik f.1934
Den19. mai 1952 vart første mussakastet gjort. Dette var på 7 hl. og kastet vart gjort bortfor Vikaneset. Det var Samund O. Løvik som var notbas
Nokre få dagar seinare (21/5) gjorde dei eit nytt kast på Løvikbugen, dette var på 500 hl., blanding av sild og brisling
Dei hengde nota 26/5. Notahenget var på «Stolen», utom Skrubbeneset
Ola S. Løvik f.1926 fortel at dei brukte eit reidskap som dei kalla «Neip» når dei hengde nota. Han nemner òg at når storenota var dregen fram i land og delvis teken opp i notbåten, vart det sett ei stengenot rundt storenota. Stengenota vart då ståande så lenge silda var fri for «åte»
Før jonsok var trygt å slepe nota frå fjorden og fram i land utan å tenkje på at mussa ville stikke ned og ut av nota.. Etter jonsok derimot måtte ein passe godt på så ikkje fangsten «rømde»
På vårparten ca. 1954 var det svært mykje sild i fjorden. Då fiska vi for 1000.- kr. pr. mann på ei veke, - noko vi syntest var svært godt
Notdrifta i laget vart avvikla på førstninga av 1960-talet
Kjelder og informantar
- Kvangarsnes, Hallstein f. 193?: Ingeniør og mangeårig leiar i mekanisk industri – har samla og skrive artikkelen Notbruk i Dalsfjord - i Minne frå Dalsfjord, Dalsfjord Sogelag 2011
- Minne frå Dalsfjord, Dalsfjord Sogelag 2011
- Lyngnes, Sverre 1965: DALSFJORD – Bygda - Gard og ætt https://www.nb.no/items/47e3686f63a708195385a7c7dfc75cbc?page=0
- Cronologier av Ole Reite
- Fiskebåtregisteret ved Austefjord Museum
- Busetnadssoga for Volda bd 1 + nokre tun bd 2
- Austefjord museumslag
- Herøy kystmuseum
- Høydal notlag
Lokale informantar for Notbruk i Dalsfjord
- Jakob Koppen
- Olav H. Velsvik
- Robert Welsvik
- John Thorvik
- Jon J. Kornberg
- Sverre Kvangarsnes
- Ivar A. Sætre
- Andè Sætre
- Solfrid Nautvik
- Asbjørn Åsebø
- Ola S. Løvik
- Lauritz S. Løvik
- Lars K. Løvik
- Ola K. Hjelle
- Arvid Rossetvik
- Annfred Lillenes
- Einar Furnes
- Bjarne Myklebust
- Olav Dalebø
- Jarle Dalebø
- Harald Mårstøl
- Jostein Mårstøl
- Norvald Mårstøl
- Åsta Mårstøl
- Arvid Eidså
- Rolf Eidheim,
- Arne Eidset
- Harald Eidset
- Jon M Steinsvik
- Hans J. Steinsvik
- Svein Øverberg
- Bjarne Drivdal
- Nils Jakob Drivdal
- Internett
Blåsen notlag (Vika) – Notbruk i Dalsfjorden (Volda) er ein del av prosjektet Kulturminneregistrering i Volda og er lagt ut under lisensen cc-by-sa. Lokalhistoriewikis brukere kan fritt redigere og utvide artikkelen. Artiklar i Kjeldearkivet skal ikkje endrast, bortsett frå at lenkjer kan leggjast inn. Fleire artiklar finn du i denne alfabetiske oversikten og på prosjektforsida. |