Dalen

Parti frå Dalen.

Foto: Marthinius Skøien (omkr. 1894–1898).

Tokke kraftverk ligg aust for staden, på nordsida av Bandak.

Foto: Siri Johannessen (2016).

Dalen er ein tettstad og kommunesenter i Tokke kommune i Telemark med om lag 780 innbyggjarar (2012). Staden ligg lengst vest ved innsjøen Bandak ved enden av Telemarkskanalen.

Staden er kjent for «eventyrhotellet» Dalen hotell, som opna i 1894. Hotellet er ein av dei største trebygningane i Noreg, og det siste som er att av dei store trehotella frå slutten av 1800-talet.

Inne i fjellet ved Dalen ligg Tokke kraftverk. Tokkeverka regulerer den øvste vestre greina av Skiensvassdraget. Dei vart bygd ut i fire etappar og stod ferdig i 1979. Frå Hardangervidda og ned til Bandak er det eit fall på tusen meter. Kraftutbyggjinga førte til at folketalet vaks frå om lag 200 i 1950 til over 1000 i 1960. Talet har seinare gått noko ned.

På byrjinga av 1900-talet vart ein rekke molybden-forekomstar utnytta i Telemark; bland anna Dalen og Bandaksli.

Eksterne lenker

• Informasjon om Dalen

• Dalen på Wikipedia på bokmål og riksmål
• Statistisk sentralbyrå: Tabell 1. Tettsteder. Folkemengde og areal, etter kommune. 1. januar 2012
• Tokke - kommune i Store norske leksikon