Einar Aarrestad
Einar Aarrestad (fødd 26. juni 1902 i Hetland kommune ved Stavanger, død 31. mai 1989) var lærar, kyrkjesongar og aktiv fråhaldsmann.
Han var son av lærar P.A. Aarrestad og Elisa Bertine f. Dyskeland. Einar Aarrestad tok eksamen ved Kristiansand lærarskule i 1926.
Aarrestad var vikar i krinsane Talje og Hidle på Sjernarøy i to år, dinest var han eitt år ved Vigrestad folke- og framhaldsskule og eitt år ved Frue framhaldsskule. I åra 1932-40 var han tilsett ved Tine framhaldsskule, og var frå kring 1940 til 1947 ved Roaldsøy folkeskule i Hetland. Etterpå arbeidde han som lærar ved Hommersåk folkeskule i Riska, i noverande Sandnes kommune.
Aarrestad var gift med Målfrid f. Vollsnes (1910-91), dotter av skulestyrar A. O. Vollsnes og Beate Gidskehoug. Einar og Målfrid Vollsnes fekk ei dotter.
Ekteparet Aarrestad er gravlagt på Sandnes nye kyrkjegard.
Kjelder og litteratur
- DIS-Norge: Gravminner i Norge (id. 3733382), med bilete av gravminnet.
- Einar Aarrestad i folketelling 1910 for Hetland herred fra Digitalarkivet
- Espeland, Arne: Norske skolefolk (første utgave), Dreyer forlag, Stavanger 1934. Digital versjon på Nettbiblioteket
- Bakke, Karl: Norske skolefolk (andre utgave): bind 2, Dreyer forlag, Stavanger 1952. Digital versjon på Nettbiblioteket