Emma Normann Pastor

Emma Normann Pastor (1871-1954) var ein av kunstnarane i Balestrand. Foreldra var kunstmålar Eilert Adelsteen Normann og den fyrste kona hans, Catharina Henriette Hubertine Weitgau frå Tyskland. Emma vaks opp i Düsseldorf og Berlin i Tyskland, men familien hadde sterke band til Noreg. Familien hadde sommarhus i Balestrand og faren er blant anna kjend for bilete med motiv frå Sognefjorden.

Emma Normann hadde sjølv utdanning innan kunstmåling. Fleire av bileta hennar har nasjonalromantiske motiv med fjord og fjell og gjerne med ei jente i bunad. Emma Normann måla og portrett, nissar og eventyrmotiv og levde av å selje kunsten til turistar i Balestrand. Ho har og måla altertavla i [den engelske kyrkja i Balestrand.

Emma vart gift med Willy Pastor, ein tysk journalist og forfattar, fleire av illustrasjonane i bøkene hans er laga av Emma. Dei fekk to barn. Sonen Eilert døydde under andre verdenskrig og dottera Helga Normann Leknes (1902-1987). Ho var gift med ingeniør Øivind Leknes. Emma og dottera budde i Oslo om vinteren og i huset i Balestrand om sommaren. Emma Normann døydde i Oslo og vart gravlagd på Vår Frelsers gravlund i Oslo.

Emma og Willy bygde sitt eige sommarhus i Balestrand, Villa Heimdalstrand i 1910 i sein drakestil. Innvendig og utvendig treskurd er laga av treskjeraren Ivar Høyvik. Huset er bevart og vart freda i 2017.

Kjelder

• Muntleg: Hans Birger Rutledal
• Brosjyre frå åpning av Emma Normann-utstilling i Villa Heimdalstrand, april 2018.