Gamnes (Harstad): Forskjell mellom sideversjoner

{{Infoboks matrikkelgård

| sted          = [[Ervik]]

<onlyinclude>{{thumb høyre|Gamnes gård.jpg|Hovedbygninga frå 1884 på Gamnes gard.|Gunnar Reppen 2011.}}

'''[[Gamnes (Harstad)|Gamnes gard]]''' har gnr 78 og ligg i grenda [[Ervik]] ca. 5 km frå [[Harstad]] sentrum. Gamnes var frå gamalt av ein del av hovudgarden, [[Ervik gard]], som har gitt bygda namnet sitt. Heile matrikkelgarden Gamnes er på ca 3000 dekar, og bnr 1 er på 700 dekar. Den fyrste som vi med vissing kan seie har budd på neset, er Anders Andersen, son av Anders Olsen frå [[Trondheim]] som i [[1701]] satt som husmann under Ervik.

Gamnes blei [[17. mai]] [[1832]] skilt ut som eigen gard. Namnet er fyrst kjent frå notat frå den gamle Ervik gard, då fleire av husmennene hadde plassen sin på Gamnes. Namnet kjem nok av ordet gamme, sidan det fans gamle gammetufter i nærleiken av der kor brygga ligg, og i følgje kjeldene fans det fram til [[1744]] ikkje nokon andre hus enn gammar på garden. Litt lenger inn i marka, ved Storsletta, fins det rester etter jordgammar, som ein samefamilie etterlét seg omkring [[1770]]. Desse restane vert skreve inn i SEFRAK-registeret.</onlyinclude>

I [[1832]] då garden blei skilt ut frå Ervik, satt ein Rasmus Valberg som husmann, men sidan garden blei lagt ut til Birgitte Killengren haldt han fram som ein bygselmann for ho, inntil ho i [[1835]] blei gift med Klaus Lampe. Lampe sette opp eit torvgjerde mot utmarka (no kalla Lampegjerdet). Han fraus tragisk nok i hel i [[1838]] etter ein 14 dagars «rangel». Etter fleire eigarar kom garden i hendene på Martinus Norom som var gift med Elisabeth Sofie Hay frå [[Bjarkøy]]. Elisabeth tok med seg ein son inn i ekteskapet, Aron Lund Arnesen, og Martinus drog i [[1858]] heile garden over til stesonen for 700 spesidalar. Aron selde derimot samtidig halve garden (bnr 3 Gamnes) til Lars Olai Berntsen for 650 spesidalar. Aron Lund Arnesen tok då over den vestlige delen av garden (bnr 1) og blei gift med Inger Margrethe Edisdotter frå [[Varmedal]]. Aron var ein føregangsmann når det gjaldt sildenotfiske, men var også ein interessert gardsbrukar. Han fødde i [[1875]] ein hest, åtte storfe og 17 sauer, og i [[1884]] bygde han den store hovudbygningen på bruket. I [[1905]] blei ein tredjedel av garden skilt ut til Edias Aronsen, broren til [[Arne Aronsen]] (bnr 6 Frydenlund).

Sidan Gamnes hadde god havn, brukte [[fogd]]ene i [[Ervik]] «Gamnæset» til oppsett av båtane sine, som i den siste råseiltiden telte heile fem [[jekt]]er.  

 

{{Infoboks gardsbruk

}}