Holdhus kyrkje: Forskjell mellom sideversjoner

Det vart gjort omfattande reparasjonsarbeider på kyrkja i 1905-1906. Sidan 1920-åra har det vore halde olsokmesser i kyrkja, i tillegg til annan bruk. Kyrkja er også nytta i undervisinga til leirskulen som ligg like i nærleiken. Dei siste åra har kyrkja også vore brukt av [[Den nordisk-katolske kyrkje]] i [[Bergen]] som held messe sommars tid, og er også open for turistar i sommarsesongen.

{{thumb|Mariaskulptur Holdhus kyrkje Hordaland.JPG|Maria med det lesande Jesusbarnet er ein skultpur i sandstein som truleg daterer seg til 1400-talet, og er framleis ein del av inventaret i Holdhus kyrkje. Det er den einaste måla steinskulpturen i Noreg.|Øystein Lid}} Skriftlege kjelder frå 1688 og fram til 1722 framstiller kyrkja som ei [[stavkyrkje]] med tårn, med eit sekundært tilbygd tømmerkor i aust og eit våpenhus i vest. Truleg var skipet det einaste som stod att av mellomalderkyrkja. <ref>Nettutgåva av Norges Kirker, artikkel om Holdhus kyrkje av Anne Marta Hoff.  http:www.norgeskirker.no/wiki/Holdhus_kyrkje </ref>. Ut frå opplysningane i dokumentet frå 1306 er stopelen knappast den same som tårnet som er nemnd i kjeldene frå 1600- og 1700-talet. Det er heller ikkje så enkelt å avgjera kvar ein skal plassera tårnet i byggeprosessen. Etter konstruksjonen å døme er det lite truleg at det kan ha vore oppført før mot slutten av mellomalderen.  <ref>Nettutgåva av Norges Kirker, artikkel om Holdhus kyrkje av Anne Marta Hoff.  http:www.norgeskirker.no/wiki/Holdhus_kyrkje </ref>. Tårnet har kanskje fungert som ein integrert del av kyrkjerommet, men det kan óg ha fungert som våpenhus. Tårnet kan, som eit tredje alternativ, ha vore ein del av ein mellomliggjande bygning som det i dag ikkje finst spor etter.

Stavkyrkja var i 1686 "Indentil mallt og Vell flid" <ref>Nettutgåva av Norges Kirker, artikkel om Holdhus kyrkje av Anne Marta Hoff. http:www.norgeskirker.no/wiki/Holdhus_kyrkje </ref>. Ein del av denne målinga finst framleis, dels på  materialar i tårnunderbygget og dels på veggbord. Målinga har rennesseansepreg, med tulipanar, rosettar, blad og blomar og fruktar av ulike slag klårt avteikna  mot den kvite botnen. Dekoren kan vera utført i siste halvdelen av 1600-talet. På eit veggbord som i dag ligg på undersida av golvet er det teikna ein mannsperson i tilnærma naturleg storleik, i raude klede og med gult hår, bart og skjegg. Delar av inventaret i kyrkja er elles måla i engelsk raudt. Det gjeld preikestolen, dei innelatne stolane i koret, døra inn til skipet og eit bord som kan ha vore ei dørvange.

==Gravminne==  

Kyrkjegarden går rundt kyrkja, og er framleis i bruk. Dei eldste gravminnene er krossar i støypejarn frå andre halvdelen av 1800-talet. I kyrkja er lagra to gravminne av tre. Utanfor porten på sørsida er det reist ein bautastein med innskrifta: "Minnestein fyr Hermennerne fraa Haalandsdalen som var med aa verna Folk og Land i Ufredsaari 1807-1814. Reist av Bygdefolk 17de Mai 1914." På nordsida av kyrkja står det ein liten stein med ein kross i relieff som er knytta til ei segn om ein presteson som mista livet pga. ei usemje. Ein gravstein ved kyrkjegardsporten er reist til minne om tre brør som drukna då dei gjekk gjennom isen i 1897.

== Referansar ==

*[http://www.fortidsminneforeningen.no/artikkel.aspx?nr=5116%20%20 Fortidsminneforeningen har ei eiga side om Holdhusmadonnaen med filmar.]  

[[Kategori:Bjørnafjorden kommune]]

[[Kategori:Fusa]]

{{F2}}

{{nn}}