Jens Jonasson: Forskjell mellom sideversjoner

'''Jens Jonasson''' er den fyrste soknepresten ein kjenner namnet til i [[Jostedalen]] etter nyryddinga på 1500-talet og reformasjonen. Han er nemnd som sokneprest i 1605. Opphavet hans er ukjent, men Jens kan ha vore far til den seinare soknepresten [[Tøger Jensson]] som truleg var frå prestegarden i Jostedalen.

Det er uvisst kor lenge Jens Jonasson levde og kor lenge han var prest i Jostedalen. Når han i det heile er kjend, er det fordi han var vitne i ei sak i [[Bergen domkapittel]] 16. september 1605 som galdt skuldingar presten i Luster, [[Anders Jonasson]], skulle ha retta mot ein fut. I saka er "her Jens paa Justedall" nemnd.<ref>Zachariassen 1961, s. 10. [http://www.historielaget.jostedal.no/?page_id=1961 Avskrift] (Jostedal historielag)</ref>.  

Albert Hatting skriv òg at han er nemnd som prest i Jostedalen 1620.<ref>Hatting c1775, s. 113 (jf. Lampe 1996, s. 1), med uvisst kjeldegrunnlag</ref>, og Øyane gissar på at Jens var fødd kring 1570 og død seinast 1625,<ref>Øyane 1994, s. 326</ref>, men det siste er lite sannsynleg. Etter å ha vore fråverande i tiendmanntala for Sogn 1607-1614, dukkar Jostedalen årleg opp i tiendmanntala frå 1615-16 til 1618-19. Her er Jostedalen oppført som "et lidet annex" under [[Hafslo]].<ref>[http://www.historielaget.jostedal.no/?page_id=1933 Kongetienda 1614-18] (Jostedal historielag)</ref> Dette fortel truleg om ein ny status for prestekallet i 1614/15, og det kan tyde på at Jens var død eller ute av embetet alt då. Dersom han var far til [[Tøger Jensson]], må Jens iallfall ha levd til ca 1614 då Tøger vart fødd. Sikkert er det at etterfølgjaren [[Mikkel Nilsson]] hadde vorte sokneprest i Jostedalen seinast i 1621, truleg året før.

[[Kategori:Personer fra Luster kommune]]

[[Kategori:Prester i Sogn og Fjordane]]