Karen Odland

Karen Toresdotter Odland (fødd i Hemsedal 1777, død i Bergen 10. mai 1860) var ein haugiansk lekpredikant. Ho var fødd i bondestand og gifta seg inn i den religiøst vakte delen av det bergenske kjøpmannsborgarskapet. H.G. Heggtveit karakteriserer henne slik: «Hun var en Personlighed og en kristelig Karakter, som man sielden træffer Magen til.»

Ho var fødd på garden Grøto i Hemsedal. Foreldra var brukarar der, Tore Larsen Grøte og hustru Anne Persdotter. Faren døydde da Karen var åtte år gammmal, og mora gifta seg seinare opp att.