Kjeldearkiv:1886-03-04 Brev frå Kleiven til Prestgard: Forskjell mellom sideversjoner

Status qvo! det er utlagt: umstødorna er dei sama, ingenting nyt; den eine dagen går som den andre og eg tæk til å kjeidas og leidas av dette latmannslivet, reint grovt og. Og det sama er tilfellet med dei andre; eg høyrer ikkje ein, som er tilfreds eller som synest, at han har nokor vinning av Storengs morgonforedrag. Det let seg heller ikkje neitta, at det er smått det han kjem med, – berre dei ytre hendingar, ingor kulturhistorisk oversigt, ikkje noko sjølvstendugt syn på historia, ingor sjøltenkning. Derattåt kjem det, at han ofte kjem med sjåmåtar og uttalingor, som høyrer til gamle “forsteininger”, ting, som Ullmann førr ivinter har tekje livet av; han har ikkje fylgt med tiden i tænkningen, han er forgamal i mange av sine livssjåmåtar. Når so dertil kjem, at han tok att etter [[Viggo Ullmann (1848–1910)|Ullmann]], so er alt dette ihop meir enn nok til, å gjera elevarne kjeide og uhuga. Eg for min del finn no, at det å vera her lenger, er å kaste burt pengar i fånytte og øyde tid og eg har då heile tidi etlat meg til å reist antel den 9de eller 13de. Men no ser det ut til, å verta upprør når eg skal brjote ut! [[Hans Storeng (1847–1894)|Storeng]] heldt oss til, igjår etter fyrste timen, å vera til den 20de allesamen, då det elles vilde falle umogelegt å halde skule for so få og dertil kom, at vart ikkje skulen halde mindst i 5 månar, so kunde amtstinget lett gjera vrøvl med bidraget til skulen. No vil Knutsen reise når eg reiser og so vil Årekål og Håheim gjerne fylgje oss til Kristiania – reiser so me fire so vil Hanna Juberg vera med og Haug og Lund vil då reise den 15de! På den visen verdt det eg å kalle det heng etter!! Jau, eg er nok ein stor mann likavel, når alle “faktorer” verdt ihoplagde. No har eg freistad med fleire millomforslag og nett no var Storeng uppe her for å få høyre korleids utfallet vart; han rådde då Håheim og Årekål til å vera likavel um eg og Knutsen reiste og utfallet vart då, at me skulde avgjera det på skulesalen ikvell. For meg er det umågjera å koma heim at til i slutten av marts, for gardsbruket skuld og no vil eg vonast, at dei andre elevarne er so “ædelmodige” at dei ikkje let skulen stå eller falla med meg.