Knud Carlsen (1809–1889): Forskjell mellom sideversjoner

[[Fil:Knud Carlsen.jpg|miniatyr|Knud Carlsen og kona Viil Gulsdotter Landsverk.   Foto: Narve Skarpmoen]]

Knud Carlsen (1809-1889) var lærar og kykjesongar.<ref name=":0">http://numedalsnett.no/nsdl/uploads/Images/Slektstavler/Biografi%20til%20nettet%20v1.pdf</ref>

Knud Carlsen vart fødd på husmannsplassen Hefte under [[Skarpmoen (Rollag)|Øvre Skarpmoen]] i Rollag. Foreldra var  Margrete Jacobsdotter Bradt og Carl Paulsen Holman. Mor hans døydde 12 veker etter at Knud vart fødd. Faren sat i tronge kår, og Knud kom på legd i 3-4 års alder.<ref>Hoff, Knut (u.å.): Rollag bygdebok. Ætt og gard og grend, bd. 3, s. 40. Rollag kommune.</ref>  

Det viste seg tidleg at Knud hadde framifrå evner og ei svært god songrøyst. Både morfaren, oldefaren og morbroren hadde vore klokkarar i Rollag. Ein annan morbror var lærar i øvre Rollag. Mange i Bradt-slekta var kjende som svært gode songarar. Knud song ofte på stader der folk var samla, og folk lydde gjerne til den vakre songen.<ref name=":0" />  

Knud tok til som lærar i Dagali, Tunhovd, Skurdalen og Vikogrenda 1831, 22 år gammal. Han såg på læraryrket som ei ansvarsfull gjerning og hadde lyst til å lære meir. Hausten 1834 slutta han i denne lærerstillinga og vart elev på det nyoppretta Asker seminar. Han gjekk ut frå seminaret i 1835 med karakteren «Meget duelig». I november 1835 vart han så tilsett som kyrkjesongar og lærar i Rollag. Det blir fortalt at mange kom til kyrkja for å høyre den nye klokkaren syngje.<ref name=":0" />

Knud Carlsen hadde andre ombod i bygda enn stilinga som kyrkjesongar og lærar. Han vart vald inn i det fyrste heradstyret i Rollag i 1837, og han sat seinare sm ordførar i 23 år.<ref>Tråen, Even (u.å.): Rollag Bygdebok. Ætt og gard og grend, bd. V, s. 44.</ref> Han var postopnar i Rollag frå  1. mai 1870.<ref>https://digitaltmuseum.org/021166441221/3626-rollag-postapneri</ref>  

Knud Carlsen utarbeidde eit slektsregister for heile Rollag som går attende til 1618. Dette registeret tok mykje tid og måtte i stor grad byggje på munnlege kjelder ettersom ministerialbøkene ikkje går så langt attende. Slekttsregisteret vert kalla ‘Carlsenbokje’ og har vore flittig bruka av slektsgranskarar i Rollag.

Knud Carlsen vart gift med Viil Gulsdotter Landsverk (1814-1893). Dei hadde 8 born. Dei budde i klokkarbustaden i Rollag, Klukkargarden, gardsnummer 76, bruksnummer 6, til Knud Carlsen søkte avskil som klokkar i 1878 og familien flutte frå Klukkargarden, Knud Carlsen hadde kjøpt bruket Mogen, gardsnummer 76, bruksnummer 2, i 1846 og han dreiv dette bruket fram til han døydde i 1889.<ref>Tråen, Even (u.å.): Rollag Bygdebok. Ætt og gard og grend, bd. V, s. 44, 46  og 67. </ref> Bruket vert kalla Klukkarmogen av di Knud Garlsen åtte og dreiv det.