MB «Frost»

«Frost» var ein klinkerbygd trebåt på 19 fot bygd i 1926. Motoren var Amerikan 4 h.k. bygd i 1924. Namnet, Frost, kjem av at det ikkje var hus på båten i fyrste tid, så det kunne vel stundom vera kaldt.

Registrert i fiskeriregisteret for Volda: M-14-VA. I Fortegnelse over Merkepliktige Norske Fiskefarkoster frå 1932 er «Frost» fyrste gong nemnd. Det går fram av merkebrevet at båten skulle brukast til fjordfiske og transport.

Bygda var veglaus og der var eit behov for transport. Sjøvegen er det ca. 10 km. til kommunesenteret Volda. Utover i 1930 åra og etter krigen vart det fleire motorbåtar, behovet for anna enn eigen transport minka vekk. Båten vart seld i fyrste halvdel av 1960-åra og er ute av fiskeriregisteret i 1968.