MB «Sørbøen»
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
MB «Sørbøen» N-4-ME, var bygd i 1976 ved Rana Båtfabrikk for Karl Normann Meløysund, 8176 Grønøy. Kjenningssignal: LDOA. I fiskeriregisteret for 1980 står båten med desse måla 20,2-5,9-2,4, (L-Br-Dj). I Fiskets Gang nr. 24 – 1. desember 1977 står å lese om suksess for Ranabåt. «Karl Normann Meløysund frå Grønøy i Meløy kommune har fiska for 1,5 millioner med m/s «SØRBØEN » som han overtok frå Rana Båtfabrikk på Hemnesberget for eit år sidan. Det er vesentleg seinotfiske Meløysund og mannskapet hans på seks har dreve med. Frå januar til oktober har mannskapslotten pasert kr 100 000. Det må gjerast merksam på at Meløysund og karane hans tok seg ferie frå midten av april og til slutten av juli,- penger er ikkje alt her i livet». Avisa etterlyser bilde av båten og det er og ynskjeleg for lokalhistoriewiki’en også.
Forlengd
I 1980 vart båten forlengd ved L/L Vik Båtbyggeri, det er også grunnen til at denne båten er med i båtlista på Vik. I fiskeriregisteret for 1984 ser me at båten no har måla 23,4 - 6,0 - 2,4, i forhold til måla frå fiskeriregisteret i 1980 er båten forlengd med 3,2 m. På Vik vart båten teken opp på renna i byggehallen og forlenginga kunne då gjerast under tak. Det har store fordelar i høve til å sette opp presenningar eller andre førebelse løysingar. Båten er bygd på laminerte spantog ei spørjerunde kan tyde på at lamellane var 7” x ½”. Det er rimeleg å tru at det var 13- 14 lamellar i spantet (6,5 -7”). Ved forlengingar vert vanlegvis arbeidet utført slik som når båten var nybygd. Båten vart kappa ved 0 (null) spantet og dermed kunne spanta pressast i rett vinkel. Spanta vart pressa ved Vik Båtbyggeri men kjølen var for lang til pressa. den vart kjøpt ferdig pressa frå ein annanverkstad. Natene var fresa og med innlimde lister og så langt er opplyst at støytnatene også var fresa og limde. Huda er spikra med skipsikar, «spikarhud». Romet oppbinga på vanleg måte vert opplyst frå arbeidarar, utan eige agnrom. Skulle gjerne fått komentarar eller spesifikasjonar frå Rana Båtfabrikk. I august 1985 er N-4-ME «SØRBØEN» LDOA, bygd i 1976 for Karl Normann Meløysund, Grønøy omdøypt til «HAV-JENTA»
Ny eigar
I januar 1986 er eigaren av «HAV-JENTA» Karl Jan Krogh, 8360 Bøstad, registrert med N-17-VV. Båten vart utstyrt med Mustad autoline, montert i styrbord gang. I babord gang var kjølerom for agn. Båten hadde nyleg vore på slipp og full puss på Ballstad før dei drifta på Røstbanken. Dei hadde ute linebruk og då dei gjekk opp til stubben for draging og slakka ned, merka skipperen at båten dubba tyngre på baugen enn vanleg. Han sjekka i lugaren forut og der var mykje sjø på dørken. Mannskapet som var i messa vart varsla og båten vart etter kvart tyngre i sjøen så mannskapet gjekk i floten. Når dei kom på sida såg dei at det var eit hol i huda nesten fram med stemnet. Men kva er årsaka, det kan det vere fleire enn mannskapet som lure på. Alle om bord vart berga og ein annan båt drog lina deira. Havariet skjedde 19.08.1986.
Skulle gjerne fått meir opplysningar om «Sørbøen» og seinare «Hav Jenta», det er dei to tidlegare eigarane som må bidra med det. Bilder av båten utvendig og innvendig manglar fullstendig. Ta gjerne kontakt for meir informasjon og bilder, bruk epost; magnar.hoydal@tussa.com