Modalen kommune ligg i Hordaland, og grensar til Høyanger i nord, Vik i aust, Vaksdal i sør og Lindås og Masfjorden i vest. Administrasjonssenteret er Mo. Det er ingen tettstader i kommunen, som er den nest minste i landet etter folketal med berre 387 innbyggarar i 2012.
Jordbruket,og særleg husdyrhald, var tidlegare viktigaste næringsveg i Modalen. Etter utbygging av Modalselva, med maskinkapasitet på omkring 195 MW, har kommunen hatt store kraftinntektar. Kommunen har satsa sterkt på IKT, og var den første i landet med breiband til alle husstandar og føretak. Små føretak i IKT-sektoren står i dag for dei fleste arbeidsplassane. Det er noko industri i kommunen; sand- og grusdrift og betongindustri.