Niels Friis: Forskjell mellom sideversjoner

'''[[Niels Friis]]''' (fødd 31. juli 1741 i Svendborg, Danmark, død 17. mai 1814 i [[Hafslo]]) var prest og stamfar til den norske greina av [[Friis|Friis-slekta]]. Friis var son av kjøpmann Niels Johannes Friis og Elisabeth Breinholm. I studietida arbeidde han òg som lærar i Danmark og Noreg, mellom anna 1759-1761 som huslærar hjå sorenskrivar og overinspektør i Nordre Jarlsberg, Morten Müller. Han tok cand.theol-eksamen i 1765 og var både før og etter det lærar i Danmark.  

Frå 1773 var Friis prest på skipet «Ganges» i det asiatiske kompaniet. Dagboka hans frå eit tokt til [[Trankebar]] og [[India]] 1773-74 til året før han døydde er publisert.

Den 6.8.1777 vart han utnemnd til sokneprest i [[Nedstrand prestegjeld]] (Nedstrand) i Ryfylke etter å ha søkt 39 ulike embete. I 1791 vart han prost, men same året fekk han sokneprestembetet i [[Hafslo]], Sogn og Fjordane, som han tok over 21. august 1792. Friis hadde ord på seg for å vere ein lærd mann og ein utmerka lærar. Han hadde embetet til han døydde 17. mai 1814.

Friis gifte seg 9. mai 1780 med Birgitte Christine Hielm (1739-1820), enkja etter prost [[Peder Pavels (1724-1777)]], sokneprest i Hjelmeland. Birgitte var 38 år då mannen døydde og sat att med det Friis karakteriserte som «fem uopdragne Børn» - den eine sonen døydde òg seinare. Niels og Birgitte fekk så to born i lag. I dagbøkene sine skil ikkje Niels Friis mellom dei seks borna og omtalar alle som «min Søn» eller «min Datter». Fire av dei seks borna vart prestar eller prestefruer i Sogn og Fjordane, og ein i Lindås.