Nordheim (Aure)
Hopp til navigering
Hopp til søk
Nordheim, eldre namn Nautan, er ein matrikkelgard på nordaustsida av Stabblandet i Tustna sokn av Aure kommune på Nordmøre. Namnet Nordheim dukkar opp første gongen i tinglyste erklæringar frå 1879–1880 om at eigarane vil ta i bruk dette namnet. Topografisk er den sørlege enden av garden avgrensa av Sagvikvatnet i aust og ein lang, låg åsrygg i vest. Nordenden av garden er avgrensa mot Haltvika rett nordom Haltvikåsen og vidare av Imarsundet i aust og av Nordheimsundet i nord. I nordvest går matrikkelgardsgrensa i retning nordvest frå knausen Nauthatten til neset i austkanten av Haltvika rett sørom Stormolta. Hovudbusettinga har vore nærme Nordheimsundet i nyare tid, og inntil seint på 1900-talet var det både butikk og postkontor der.