Olav Aukrust: Forskjell mellom sideversjoner

I 1915 kom det av ymse grunnar opp planar om å flytte skulen til Dovre. Primus motor for dette var [[Bjørner Vigerust]], og planen om [[Dovre folkehøgskule]] vart realisert frå hausten 1915. Både Vigerust og Aukrust var spesielt motiverte for stadvalet på grunn av Dovre-namnets mytologiske status i norsk historie, iallfall frå Harald Hårfagres tid til og med Eidsvoll 1814. «''Dovre'' kan vekkje tankar um ein utgamal norrøn visdoms-skule eller "høgskule"» skriv Aukrust i ein artikkel om dette. Som Jarl fekk opplæring av Rig (i det norrøne kvadet Rigstula) «soleis lærde Harald visdom av risen ''Dovre'', og ''Dovre'' er, meiner Sophus Bugge, ingen annan enn Odin sjølv [...]». Så kan Aukrust konkludere om dette:

:«Held ein dette mystiske, mytisk-religiøse, historiske, national-symbolske og kristelege fast, - og ser ein so på landet med eit ørnesyn, ovanifrå, eller med eit hugsyn, innanifrå, - då vil Dovre straks bjode seg fram som ein høveleg stad for nationalt og religiøst nykbeikjingsarbeid, for norsk folkehøgskule på gamal grunn.»

Aukrust var nå i i ferd med å få ut den fyrste store diktsamlinga si, ''Himmelvarden'', og hadde praktiske problem med å kombinere dette med skulearbeidet. Han fekk Hallvard Blekastad til å trå inn som vikar, og hausten 1917 sa Aukrust opp posten sin. Han tok seg ikkje nokon lærarpost sidan, bortsett frå eit par månaders tid på [[Vest-Oppland folkehøgskule]] på Barndbu i 1923, men måtte gje seg der på grunn av sjukdom.