Ole Bull: Forskjell mellom sideversjoner

Han voks opp i [[Svaneapoteket (Bergen)|Svaneapotek-garden]] i Bergen som eldst i ein flokk på ti sysken. Foreldra var oppteke av musikk, og onkelen [[Jens Geelmuyden]] var cellist i ein amatørkvartett. Dette førte til at han tidleg blei kjend med komponistar som Joseph Haydn, Ludwig Spohr og Wolfgang Amadeus Mozart. Då han var åtte år gamal fekk han [[Johan Heinrich Paulsen]] som fiolinlærar. Pailsen var konsertmester i [[Musikselskabet Harmonien|Harmonien]], og var Ole Bull sin lærer i to år. Deretter fekk han undervisning av svenske [[Mathias Lundholm]], som også var ved Harmonien. Dei studerte mellom anna Pierre Rode, Federigo Fiorello, Giovanni Viotti og Nicolò Paganini. I tillegg til den klassiske musikken hørte unge Ole Bull også på [[hardingfele]]spelarar når han om somrane var på besteforeldra sin gard i [[Valestrand (Osterøy)|Valestrand]] på [[Osterøy]].  

Han gjekk på [[Bergen katedralskole]], og etter eksamen der reiste han i 1828 til [[Oslo|Christiania]] for å ta [[examen artium]]. Den gongen tok ein artium ved universitetet. Planen var å studere til prest. Han hadde då god kjennskap til den nye, virtuose fiolinmusikken, og han hadde også lært seg nokre hardingfeleslåttar som kan kunne spele på hardingfele eller fiolin. På artium strauk han i [[latin]], noko som vel var ei lukke for norsk musikkhistorie. Han kunne då gå djupare inn i musikken. I ein periode då [[Waldemar Thrane]] var sjuk dirigerte han [[Det musikalske Lyceum]] og orkesteret ved [[Christiania offentlige Theater]]. Thrane døydde ved juletider 1828. Sjølv om Bull hadde gjort ein god jobb fekk han ikkje overta jobben. I staden reiste han i 1829 rundt i [[Tyskland]]. Etter å ha kome heim til Noreg hadde han konsertar i mellom anna Christiania, Bergen og [[Trondheim]].

[[Kategori:Os kommune (Hordaland)]]