Ole Edvart Rølvaag

Ole Edvart Rølvaag (fødd 22. april 1876 på Dønna i Nordland, død 5. november 1931 i Northfield, Minnesota) var norsk-amerikansk forfattar og professor.

Ole Edvardt var son til Peder Benjamin Jakobs. Rølvaag (f 1846) og kona Elerine Johanna Pedersd. (f 1844). Familien budde på farsgarden, og folketeljinga 1875 syner at han hadde to eldre syskjen – Johan Kristian (f 1871) og Marta Zahl (f 1873). Teljinga 1900 syner at han og hadde fire yngre syskjen, Peder (f 1878), Andreas (f 1882), Kaia (f 1885) og peleisystra Jenny Johansen (f 1894). Ole Edvart sto til konfirmasjon 14. juni 1891 og fekk karakteren «nesten meget godt» av presten.

Då han 20 år gamal reiste frå familien vart reisa betalt i Amerika. Ole Edvart var då ein ugift arbeidar som reiste med Thingval-lina frå Christinia til Eea Point (truleg Elk Point i Sør-Dakota). Lista «Emigranter over Trondheim 1867-1930» fortel at «Ekspedert dato» var 3. august 1896.

Ole Edvart vart amerikansk statsborgar i 1908, og han fekk si utdanning ved St. Olaf College i Northfield, Minnesota og Universitetet i Oslo. Brorparten av livet arbeidde han ved St. Olaf der han underviste i norsk språk og litteratur, og den norske immigrasjonshistoria i USA. Han skreiv og fleire bøker som skildrar dei norske settlarane sitt liv på prærien i Dakota, og korleis dei innfødte sin kultur kunne kollidera med immigrantane sin.

I 1988 vart Ole Edvart Rølvaag innlemma i Scandinavian-American Hall of Fame.

Bibliografi

• 1912: The Third Life of Per Smevik, sjølvbiografisk
• 1914: On Forgotten Paths
• 1920: Pure Gold
• 1921: The Boat of Longing
• 1923: Giants in the Earth, skriven medan han hadde ein sabbatsperiode frå St. Olaf College.
• 1929: Peder Victorious
• 1931: Their Father's God

Kjelder

• Peder Benjamin Jakobsen i folketeljinga 1875 for 1828P Nesna prestegjeld frå Digitalarkivet (Familien i folketeljinga året før han vart fødd)
• Ministerialbok nr. 835A02 Nesna prgj., Dønna sokn, 1865 - 1880: Ole Edvart sin dop
• Ministerialbok nr. 835A03I Nesna prgj., Dønna sokn, 1881 - 1910: Ole Edvart sin konfirmasjon
• Ministerialbok nr. 835A03II Nesna prgj., Dønna sokn, 1881 - 1910: Ole Edvart sin utflyttjar-attest
• Emigranter over Trondheim 1867-1930: Ole Edvard Peders. Rølvaag
• Peder Jakobsen i folketeljinga 1900 for 1827 Dønnes herred frå Digitalarkivet (Familien i folketeljinga fire år etter han reiste til Amerika)
• Emigranter over Trondheim 1867-1930: Ole Edvard Rølvaag (vitjing i Helgeland 7. juli til 4. september 1916.)
• Encyclopædia Britannica sin gratissnutt om O. E. Rölvaag
• Encyclopedia of the Great Plains: «RÖLVAAG, O. E. (1876-1931)»
• SAHF Inductees: O.E. Rolvaag

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!