Ole Nielsen (1827–1915): Forskjell mellom sideversjoner

'''[[Ole Nielsen (1827-1915)|Ole Nielsen]]''' (fødd i [[Hjelmeland kommune|Hjelmeland]] 12. januar 1827, død i [[Sandnes]] 23. april 1915) var utlærd handverkar (fargar), og er mest kjend som industrigründar og fabrikkeigar. Han var ein viktig pioner i det som har vore kalla «industrieventyret på Jæren», og representerer i eigen person ei illustrerande utviklingslinje frå handverksbasert [[protoindustri|protoindustriell]] verksemd til moderne storindustri innan tekstilbransjen. Han kan også sjåast som ein eksponent for den arbeidsetikken og entreprenørånd som prega det [[Haugianisme|haugianske]] miljøet som han tilhøyrde, enda om det er litt omdiskutert kor vidt han personleg skal oppfattast som haugianar. Nielsen vart tildelt [[Oscar II]]s fortenestemedalje i 1887, og utnemnd til riddar av 1. klasse av [[St. Olavs Orden]] i 1903. Da hadde han gått ein lang og suksessrik veg frå dei smålåtne kår han var fødd inn i.</onlyinclude>

Ole Nielsen flytta heimefrå som 15-åring. Han gjekk i lære hos fargar [[Daniel Danielsen]] i [[Stavanger]]. Danielsen var kjend som haugianar og predikant. Ved sida av farginga var Danielsen også skipsreiar og økonomisk engasjert i sildefisket og ymse næringsverksemd som følgde med dette på denne tida. Fargeriet hadde Danielsen overteke frå ein enda betre kjend haugianar og forretningsdrivande, [[Jon Haugvaldstad]]. Ole Nielsen fekk sålis opplæringa si i eit driftig og pietistisk miljø som liknar mykje på det som [[Alexander Kielland]] skildrar i ''Skipper Worse''.