Otto Bjelland
Otto Ottersen Bjelland (fødd 14. november 1886 på Bjelland, Stord, død 8. august 1982 på sjukehuset i Lærdal) var lærar, klokkar og folkeminnesamlar.
Otto Bjelland vaks opp på Stord. Foreldra var bonde Otto Tørresson Bjelland (1834-1921) og Gunhild Larsdatter Langeland (1846-1910). Han var gift med Helena Johannesdtr. (1884- 1955) fra Eldøy på Stord. Dei hadde 5 born.[1]
Han gjekk på Stord lærarskule og tok eksamen der i 1908. Fyrste lærarjobben var i Skånevik i 1908, så var han i Solund frå 1909, Time på Jæren frå 1913, Sarpsborg frå 1918, Sandnes frå 1920, og i Haflso frå 1922. I 1916 gjekk han på Statens Songkurs, og i 1921 gjekk han på Statens Teiknekurs..[2] Begge desse kursa nytta han godt i lærarjobben sin. I Hafslo var han lærar fram til han vart pensjonist.
Ved sida av lærarjobben var han aktiv i lokalmiljøet, og dirigerte kor dei fleste stadane han jobba som lærar. Han var også tonediktar og diktar, og gav ut diktsamlinga "Olsok-brising" i 1930.
I Etno-folkloristisk arkiv ved Universitetet i Bergen er det ei lita samling med segner frå 1924, som Otto Bjelland samla inn frå elevane sine.
Litteratur
Bjelland, Otto 1930 Olsok-Brising S. Botnens boktrykkeri, Stord