Otto Hansson Ravn: Forskjell mellom sideversjoner

Han vart prest i Jostdalen kring 1635 og har sett spor etter seg i to dokument frå 1636. I det fyrste frå 16. mars 1636 har han fått med lensherre og kanslar Jens Bjelke og biskop Ludvig Munthe på at Jostedalen burde slåast saman med Gaupne sokn i Luster til eit nytt prestegjeld med Gaupne som hovudsokn på grunn av dei dårlege inntektene i det vesle og fattige prestegjeldet.<ref>Brev 16.3.1636 frå Jens Bjelke og Ludvig Munthe ([http://www.historielaget.jostedal.no/?page_id=350 digital utgåve])</ref>  Initiativet må ha vorte stogga i København, for i eit brev 28. oktober 1636 gjorde Jens Bjelke det klart at Otto Ravn skulle ha dei same priviliegia som forgjengarane i prestekallet, det vil seie 4 tønner korn frå kyrkjetienda i Vik, Luster, Lærdal og Leikanger.<ref>Brev  28.10.1636 frå Jens Bjelke ([http://www.historielaget.jostedal.no/?page_id=805 digital utgåve])</ref> Ein lokal tradisjon hevdar òg at Ravn vart tiltala for å ha slege til ein altargjest i Jostedalen, men døydde før saka vart pådømd.<ref>Kallsboka, påbyrja 1830, fol. 31a, ref. i Laberg 1948, s. 180</ref>