Sagarøy: Forskjell mellom sideversjoner

{{thumb høyre|Bukti.jpg|Bukti (Sagarøy, bnr. 4) med stova frå 1917, fotografert frå hovudvegen.|[[Bruker:Oddloho|Oddmund L. Hoel]] (2012)}}

 

'''[[Sagarøy]]''' er ei lita grend i [[Jostedalen]] i [[Luster kommune]], [[Sogn og Fjordane]]. Grenda ligg i dalbotnen på den sørlege delen av området til matrikkelgarden [[Bakken (Jostedalen)|Bakken]] og grensar mot [[Jostedal prestegard]].

Sagarøyelvi renn gjennom grenda. Ho skifta løp og gjorde store øydeleggingar i grenda i storflaumen i august 1979.

'''Bruvoll 1:''' Kring 1885 sette [[Christopher Nitter Larsson Kronen]] opp ei stove på Bruvoll i Sagarøy der han sette i gang med handelsverksemd. Han og kona Ingeborg dreiv landhandelen til 1907, og då dei drog derifrå, vart huset teke i bruk som kommunehus for Jostedalen med kommunale kontor og lækjarkontor. Stova vart riven i 1952 etter at det nye kommunehuset var teke i bruk.

'''Bruvoll 2:''' Det stod òg ei anna stove på Bruvoll som kanskje var den stova Christopher Kronen dreiv handelsverksemda si frå. Her flytte i alle fall Sjur Larsson Bakken inn i 1907. Stova vart nytta som bustad til 1958 og deretter dels nytta som feriehus til ho vart øydelagd av storflaumen i august 1979.

Bruket som har matrikkelnamnet ''Elvetun'' (bnr. 13, oftast kalla ''Per-Bui'') vart bygt av [[Per Hermundson Bruheim]]. Han hadde teke til som kjøpmann på [[Grimo (Jostedalen)|Grimo]] og budde i den andre stova på Bruvoll. I november 1958 flytte han så inn i det nye huset på Elvetun (matrikulert 11.9.1959) og flytte handelsverksemda si hit. Han døydde i 1974.  

Jostedal kommune hadde behov for eit større og meir moderne kommunehus enn det dei hadde på Bruvoll, og 6.7.1942 kjøpte kommunen ei tomt i Sagarøy (bnr. 7, Tingstad). I åra 1947-49 bygde kommunen her nytt kommunehus, og det var i bruk fram til kommunesamanslåinga 1.1.1964. Her var òg lækjarkontor, kontor for Jostedal sparebank og seinar jostedalsfilialen av den fusjonerte Luster sparebank, og bibliotek.

Endå ein offentleg funksjon kom til Sagarøy i 1947. I 1938 vart [[Anders Fosøen]] tilsett som lensmann i Jostedalen. Han og familien leigde den fyrste tida husvære på [[Grimo (Jostedalen)|Grimo]]. I 1947 flytte dei inn i nybygt hus som stod på tufta der plassen Sagarøy 2 før stod. Tomta vart skilt ut 12.11.1966. Fosøen vart den siste lensmannen i Jostedalen. Då han gjekk av i 1965, vart lensmannsembetet lagt under Hafslo.  

[[Kategori:Garder i Luster kommune]]

[[Kategori:Grender og bygdelag i Jostedalen]]

 

{{Infoboks gardsbruk

}}