Skulemuseet i Lisser

Skulemuseet i Lisser er ei avdeling av Lesja bygdemuseum, etablert i 1985 på Lisser litt vest for Lesjaskog kyrkje.

Museet ligg i den vestre delen av Tandseterstugu og inneheld eldre skulemateriell frå omgangsskuletida (før slutten på 1800-talet i Lesja) og ting som har vore vanlege i fastskulen oppover mot nyare tid: kart, mange eldre plansjar, lærebøker og materiell til sløyd- og fysikk-undervisning. Mellom det eldste er ein ransel eller skulesekk som ei trekasse med skinnreimer.

Kjelder

• Årsmeldingar i Årsskrift for Lesja historielag
• Mølmshaug, Sigrun 1991: Tandseterstugu - skulemuseet på Lisser. i Årsskrift for Lesja historielag side 13-16.